Dhanush: మ్యూజిక్‌ మాస్ట్రో ఇళయరాజా

సంగీత ప్రపంచంలో ఓ అద్భుత ప్రయాణం ఇళయరాజాది. అలాంటి గొప్ప సంగీత దర్శకుడి జీవిత కథ వెండితెరకు రానున్న సంగతి తెలిసిందే. ధనుష్‌ ప్రధాన పాత్రలో అరుణ్‌ మాథేశ్వరన్‌ తెరకెక్కిస్తున్నారు. తాజాగా చెన్నైలో జరిగిన కార్యక్రమంలో ప్రముఖ నటుడు కమల్‌హాసన్‌ ఈ సినిమా టైటిల్‌ను ‘ఇళయరాజా’గా ప్రకటిస్తూ ఫస్ట్‌లుక్‌ని విడుదల చేశారు. చెన్నై వీధుల్లో హార్మోనియం పట్టుకొని నిల్చొని ఉన్న ఆ పోస్టర్‌ చిత్రంపై ఆసక్తిని పెంచుతోంది. ది కింగ్‌ ఆఫ్‌ మ్యూజిక్‌.. అని పోస్టర్‌పై ఉన్న వ్యాఖ్య ఇళయరాజాకు తగ్గ పేరని అంటున్నాయి సినీ వర్గాలు. హిందీ, తెలుగు, తమిళ, మలయాళ, కన్నడ భాషల్లో విడుదల కానుందీ చిత్రం.