Rana: షారుక్‌ చిత్రంలో రానా?

షారుక్‌ ఖాన్‌(Sharukh Khan), రానా దగ్గుబాటి (Rana) కలిసి నటించనున్నారా? అవుననే అంటున్నాయి బాలీవుడ్‌ (Bollywood) సినీ వర్గాలు. షారుఖ్‌ - అట్లీ (Atlee) కాంబినేషన్‌లో ‘జవాన్‌’(jawan) అనే పాన్‌ ఇండియా సినిమా రూపొందుతోన్న సంగతి తెలిసిందే. ఈ చిత్రంలో ఓ కీలకమైన పాత్ర కోసం పేరున్న దక్షిణాది స్టార్‌ను తీసుకోవాలన్న ఆలోచనలో ఉంది చిత్ర బృందం. ఇప్పుడా పాత్ర కోసం రానాను సంప్రదించినట్లు సమాచారం. ప్రస్తుతం దీనిపై చర్చలు జరుగుతున్నాయని, ఈ చిత్ర విషయంలో రానా సానుకూలంగా ఉన్నారని ప్రచారం వినిపిస్తోంది. త్వరలో దీనిపై అధికారిక ప్రకటన వెలువడే అవకాశమున్నట్లు తెలుస్తోంది. ఇందులో షారుఖ్‌కు జోడీగా నయనతార(Nayanthara) కనిపించనుంది. ఈ చిత్రం వచ్చే ఏడాది జూన్‌ 2న ప్రేక్షకుల ముందుకు రానుంది.