Sudheer Babu: మామా మశ్చీంద్ర

సుధీర్‌బాబు కథానాయకుడిగా శ్రీ వెంకటేశ్వర సినిమాస్‌ పతాకంపై ఓ చిత్రం తెర  కెక్కుతోంది. హర్షవర్ధన్‌ దర్శకత్వం వహిస్తున్నారు. నారాయణదాస్‌ కె.నారంగ్‌, పుస్కూర్‌ రామ్మోహన్‌రావు నిర్మాతలు. తెలుగు, హిందీ భాషల్లో రూపొందుతున్న ఈ చిత్రానికి ‘మామా మశ్చీంద్ర’ అనే పేరుని ఖరారు చేశారు. బుధవారం సుధీర్‌బాబు పుట్టినరోజు. ఈ సందర్భంగా సినిమా పేరుని ప్రకటించడంతోపాటు, ఫస్ట్‌లుక్‌ని విడుదల చేశారు. అందులో సుధీర్‌బాబు ఓ రాక్‌స్టార్‌లా కనిపిస్తున్నారు. ‘‘సవాళ్లతో కూడిన పాత్రలో నటిస్తున్నారు సుధీర్‌బాబు. వినూత్నమైన కాన్సెప్ట్‌తో దర్శకుడు యాక్షన్‌ ఎంటర్‌టైనర్‌గా చిత్రాన్ని తీర్చిదిద్దుతున్నారు. మశ్చీంద్ర అనే పదానికి ధైర్యవంతుడు, పవర్‌ని కోరుకునేవాడని అర్థం. కథ, పాత్రలకి తగ్గట్టుగా పేరు పెట్టాం. తెలుగు, హిందీ భాషల్లో చిత్రాన్ని రూపొందిస్తున్నామ’’ని సినీ వర్గాలు తెలిపాయి. సంగీతం: చేతన్‌ భరద్వాజ్‌, ఛాయాగ్రహణం: పి.జి.విందా, కళ: రాజీవ్‌.