Nayanthara: ‘అన్నపూరణి’పై ఆగ్రహం

అగ్రకథానాయిక నయనతార ప్రధాన పాత్రలో నటించిన చిత్రం ‘అన్నపూరణి’. నీలేశ్‌ కృష్ణ దర్శకత్వంలో వచ్చిన ఈ సినిమా ఎన్నో విమర్శలను ఎదుర్కొంటోంది. ఈ సినిమాలో కొన్ని సన్నివేశాలు మత విశ్వాసాలను దెబ్బతీసేలా ఉన్నాయంటూ పలువురు ఆగ్రహం వ్యక్తం చేస్తున్నారు. ఈ విషయం పట్ల నయనతారతో పాటు చిత్రబృందంపై పలువురు రాజకీయ నాయకులు గురువారం కేసు నమోదు చేశారు. ఈ విషయంపై చర్యలు తీసుకోవాలంటూ హిందూ ఐటీ సెల్‌ వ్యవస్థాపకుడు రమేశ్‌ సోలంకి ముంబయిలోని తిలక్‌ మార్గ్‌ పోలీస్‌ స్టేషన్‌ని ఆశ్రయించారంటూ అధికారులు తెలిపారు. ఈ నేఫథ్యంలో ఓటీటీలో ప్రేక్షకులకు అందుబాటులో ఉన్న ఈ సినిమాని చిత్రబృందం తొలిగించింది.