Thank You: కొత్త తేదీన ‘థ్యాంక్‌ యూ’

నాగచైతన్య (Naga Chaitanya) హీరోగా విక్రమ్‌ కె.కుమార్‌ (Vikram Kumar) తెరకెక్కించిన చిత్రం ‘థ్యాంక్‌ యూ’ (Thank You). దిల్‌రాజు (Dilraju), శిరీష్‌ సంయుక్తంగా నిర్మించారు. రాశీ ఖన్నా (Raashi Khanna), మాళవికా నాయర్‌(Malvika Nair), అవికా గోర్‌(Avika Gor) కథానాయికలు. ఈ సినిమాను జులై 8న విడుదల చేయనున్నట్లు గతంలో ప్రకటించారు. కానీ, ఇప్పుడీ చిత్రాన్ని అదే నెల 22న ప్రేక్షకుల ముందుకు తీసుకురానున్నారు. ఈ విషయాన్ని చిత్ర నిర్మాతలు శుక్రవారం అధికారికంగా ప్రకటించారు. వినూత్నమైన ప్రేమకథతో రూపొందిన చిత్రమిది. ఇందులో చైతన్య మూడు భిన్నమైన లుక్స్‌లో కనిపించనున్నారు. ప్రస్తుతం నిర్మాణాంతర పనులు శరవేగంగా జరుగుతున్నాయి. ఈ సినిమాకి తమన్‌ స్వరాలందిస్తున్నారు. పీసీ శ్రీరామ్‌ ఛాయాగ్రాహకుడిగా వ్యవహరిస్తున్నారు.