OG: ‘ఓజీ’ని ఢీకొట్టే ఓమి

పవన్‌ కల్యాణ్‌ - సుజీత్‌ కలయికలో వస్తున్న యాక్షన్‌ థ్రిల్లర్‌ ‘ఓజీ’. డీవీవీ ఎంటర్‌టైన్‌మెంట్‌ సంస్థ నిర్మిస్తోంది. ప్రియాంక అరుల్‌ మోహన్‌ కథానాయిక. బాలీవుడ్‌ నటుడు ఇమ్రాన్‌ హష్మి ప్రతినాయకుడిగా నటిస్తున్నారు. ఆదివారం ఆయన పుట్టినరోజు సందర్భంగా ఈ సినిమా నుంచి ఫస్ట్‌లుక్‌ను విడుదల చేశారు. అందులో ఆయన పొడవాటి జుట్టు.. కనుబొమ్మపై కత్తిగాటుతో ఆసక్తికరంగా కనిపించారు. తనిందులో ఓమి భావు అనే పాత్ర పోషిస్తున్నట్లు ఆ ప్రచార చిత్రంతో స్పష్టత ఇచ్చారు. ఈ సినిమాలో ఓజీకి ఓమికి మధ్య జరిగే ఘర్షణను ఊహించలేమంటూ చిత్ర బృందం సామాజిక మాధ్యమాల్లో రాసుకొచ్చింది. ఇది ఇమ్రాన్‌కు తెలుగులో తొలి చిత్రం. ముగింపు దశ చిత్రీకరణలో ఉన్న ఈ సినిమా సెప్టెంబరు 27న ప్రేక్షకుల ముందుకు రానుంది. దీనికి తమన్‌ సంగీత దర్శకుడిగా వ్యవహరిస్తున్నారు.