Custody: మనవైన భావోద్వేగాలు నిండిన... హాలీవుడ్ సినిమాలాంటిది
‘‘నాగార్జున కెరీర్లో ‘శివ’ సినిమాలా... నాగచైతన్య కెరీర్లో ‘కస్టడీ’ గుర్తుండిపోతుంది’’ అన్నారు శ్రీనివాసా చిట్టూరి.
‘‘నాగార్జున కెరీర్లో ‘శివ’ సినిమాలా... నాగచైతన్య కెరీర్లో ‘కస్టడీ’ గుర్తుండిపోతుంది’’ అన్నారు శ్రీనివాసా చిట్టూరి (Srinivasaa chitturi). హిందీలోనూ ఈ సినిమాని పునర్నిర్మిస్తామని తెలిపారు. ఆయన శ్రీనివాసా సిల్వర్ స్క్రీన్ పతాకంపై నిర్మించిన చిత్రం ‘కస్టడీ’ (custody). నాగచైతన్య (Naga chaitanya), కృతిశెట్టి (krithi shetty) జంటగా నటించారు. వెంకట్ ప్రభు దర్శకుడు. తెలుగు, తమిళ భాషల్లో రూపొందిన ఈ చిత్రం ఈ శుక్రవారం ప్రేక్షకుల ముందుకొస్తోంది. ఈ సందర్భంగా శ్రీనివాసా చిట్టూరి బుధవారం హైదరాబాద్లో విలేకర్లతో ముచ్చటించారు.
‘‘సినీ నిర్మాణంలో నాకు ఇరవయ్యేళ్ల అనుభవం ఉంది. నమ్మిన కథకి తగ్గట్టుగా ఖర్చు పెట్టి సినిమా తీయడమే మా శైలి. అలా ఈ సినిమాని కూడా నాగచైతన్య కెరీర్లోనే అత్యధిక వ్యయంతో నిర్మించాం. ‘యూ టర్న్’ చేసేనాటికి సమంత మార్కెట్ ఏమిటో ఎవరికీ తెలియదు. కథ నచ్చి, దానికి తగ్గట్టుగా ఖర్చు పెట్టి చేశాం. రెండు భాషల్లోనూ ఘన విజయం సాధించింది. అప్పుడే నాగచైతన్యతో సినిమా చేయాలనుకున్నాం. వెంకట్ ప్రభుతో కూడా ‘గ్యాంబ్లర్’ నుంచే సినిమా చేయడానికి ప్రయత్నిస్తూ వచ్చాం. ‘కస్టడీ’ సినిమాతో ఈ కలయిక కుదిరింది. నిజాయతీగల ఓ పోలీస్ కానిస్టేబుల్ కథ ఇది. యాక్షన్తోపాటు కుటుంబ నేపథ్యంలోని భావోద్వేగాలూ ఉంటాయి. కథ, మంచి స్క్రీన్ప్లే ఈ సినిమాకి బలం. తెలుగు ప్రేక్షకులకు నచ్చే భావోద్వేగాలు, వినోదంతో సీరియస్గా కథ సాగుతుంది. ఆ రెండిటినీ దర్శకుడు మేళవించిన విధానం ప్రేక్షకులకు నచ్చుతుంది. తెలుగు భావోద్వేగాలతో ఓ హాలీవుడ్ సినిమా చూసిన అనుభూతి కలుగుతుంది’’.
* ‘‘1990ల్లో జరిగే కథ ఇది. రెండు భాషల్లో చేయాలనుకున్నాం. అనుకున్నట్టుగానే ఒకొక్క షాట్ని రెండు భాషల్లో తెరకెక్కించాం. సాంకేతికంగా రెండు సినిమాలు చేసినట్టే. ఇలాంటి కథలకి ఇళయరాజా నేపథ్య సంగీతం అయితే బాగుంటుందని ఆయన్ని సంప్రదించాం. కథ వినగానే ఇళయరాజా, యువన్ శంకర్ రాజా చేయడానికి ముందుకొచ్చారు. కృతిశెట్టి అందమైన నటి, యువతరానికి ఇష్టమైన కథానాయిక. ఇందులో మంచి నటనని ప్రదర్శించారు. అరవింద్ స్వామి, శరత్కుమార్, ప్రియమణి పాత్రలు గుర్తుండిపోతాయి. ఒకవైపు అరవింద్స్వామి, మరోవైపు శరత్కుమార్... రెండు కొండల్లా కనిపించే ఆ పాత్రల మధ్య కథానాయకుడు చేసిన పోరాటం ఎలాంటిదనేది ఆసక్తికరం. కొన్ని సన్నివేశాల్లో తెలుగులో వెన్నెల కిశోర్, తమిళంలో ప్రేమ్జీ కనిపిస్తారు. ఇందులోని ప్రతి పాత్రకీ ప్రాధాన్యం ఉంది’’.
* ‘‘ఈ సినిమాలో కథానాయకుడి పాత్ర పేరు... శివ. ఈ సినిమాకి ‘శివ’ సరైన పేరు అనిపించింది. కానీ నాగచైతన్య ‘పోలికలు వస్తాయి, వద్దు’ అన్నారు. ఈ సినిమానే కాదు, ‘శివ’ సినిమాలో పాత్రలు ఎలా గుర్తుండిపోయాయో, అందులోని పాత్రలు కూడా అంతే ప్రభావం చూపిస్తాయి. అరవింద్ స్వామి ఈ కథ వినగానే మరో ఆలోచన లేకుండా చేస్తానని ముందుకొచ్చారు. నాలుగు కీలకమైన ఎపిసోడ్స్ ఈ సినిమాలో ఉంటాయి, అవన్నీ కూడా సినిమాకి హైలెట్గా నిలుస్తాయి. నీళ్లలో సాగే సన్నివేశాలు తెలుగు తెరపై ఇప్పటివరకు చూడని రీతిలో ఉంటాయి. ఆ సన్నివేశాల్ని మైసూర్, రాజమండ్రి తదితర ప్రదేశాల్లో రోజుకి రెండు షిఫ్టుల చొప్పున 20 రోజులుపైనే కష్టపడి చిత్రీకరించాం’’.
* ‘‘నాగచైతన్యతో మరో రెండు సినిమాల్ని నిర్మించనున్నాం. ‘కస్టడీ’కి కొనసాగింపుగా మరో చిత్రం ఉంటుంది. దాంతోపాటు మరొక కొత్త చిత్రం చర్చల దశలో ఉంది. ప్రస్తుతం మా సంస్థలో రామ్ - బోయపాటి కలయికలో సినిమా చిత్రీకరణ దశలో ఉంది. రామ్ పుట్టినరోజు సందర్భంగా ఈ నెల 15న టీజర్ని విడుదల చేస్తాం. పేరు తర్వాత ప్రకటిస్తాం. నాగార్జున కథానాయకుడిగా ఓ సినిమాకి సన్నాహాలు జరుగుతున్నాయి. జూన్ ప్రథమార్ధం తర్వాత చిత్రీకరణ మొదలవుతుంది. దర్శకుడు, ఇతరత్రా వివరాల్ని త్వరలోనే ప్రకటిస్తాం’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పేరు ఊరిస్తోంది
విజయవంతమైన కలయికల్ని పునరావృతం చేయడమన్నది చిత్రసీమలో తరచూ కనిపిస్తూనే ఉంటుంది. ఈ తరహావి ప్రేక్షకుల్లో అంచనాల్ని అమాంతం పెంచేస్తుంటాయి. అంతేకాదు ఇవి మార్కెట్ను బలంగా ప్రభావితం చేస్తుంటాయి. -
బంగారం అంటే మెరవాలా?
సమంత పునరాగమనం ఏ సినిమాతో అనేది ఖరారైంది. సొంత నిర్మాణంలోనే ఆ చిత్రం రూపుదిద్దుకోనుంది. ఇటీవలే ఆమె ట్రాలాలా మూవింగ్ పిక్చర్స్ పేరుతో ఓ నిర్మాణ సంస్థని ప్రారంభించిన విషయం తెలిసిందే. -
ఇక్కడ ఎవరికి వారే హీరో
‘‘స్వేచ్ఛ కోసం అందాన్ని సైతం ఆయుధంగా ఉపయోగించుకునే కళ ఈ బిబ్బోజాన్కు మాత్రమే తెలుసు’’ అంటూ ఇటీవలే ‘హీరామండీ: ది డైమండ్ బజార్’లోని తన పాత్రను పరిచయం చేసింది అదితిరావ్ హైదరి. -
శరవేగంగా.. ‘ఐడెంటిటీ’
టోవినో థామస్, త్రిష జోడీగా అఖిల్ పాల్, అనాస్ఖాన్ తెరకెక్కిస్తున్న క్రైమ్ థ్రిల్లర్ ‘ఐడెంటిటీ’. ‘2018’ సంచలనం విజయం తర్వాత ఈ సినిమా వస్తుండటంతో దీనిపై అంచనాలు భారీగా పెరిగాయి. మరోవైపు త్రిష నాయిక కావడం ఆసక్తి రేకెత్తిస్తోంది. -
‘థగ్లైఫ్’ గీత రచయితగా..
అగ్ర కథానాయకుడు కమల్ హాసన్ విలక్షణమైన నటనతోనే కాదు.. దర్శక నిర్మాతగా, స్క్రిప్ట్ రచయితగా, గాయకుడిగానూ గతంలో మెప్పించారు. ఆయన కథానాయకుడిగా తెరకెక్కుతున్న ‘థగ్ లైఫ్’తో గీత రచయితగా మరోసారి ప్రయోగం చేశారు. -
రణ్వీర్తో త్వరలోనే..
హిందీ మొదలుకొని మలయాళం వరకూ అన్ని పరిశ్రమల తారల్నీ భాగం చేస్తూ తాను సినిమాల్ని చేయనున్నట్టు ఇటీవలే ప్రకటించారు ప్రశాంత్వర్మ. సంచలన విజయం సాధించిన ‘హను-మాన్’ చిత్రంతోనే పీవీసీయూ (ప్రశాంత్ వర్మ సినిమాటిక్ యూనివర్స్) పేరుతో తనదైన కథల ప్రపంచాన్ని తెరపై ఆవిష్కరించడం మొదలు పెట్టారు. -
కథ కుదిరింది
గతేడాది ‘విరూపాక్ష’, ‘బ్రో’ సినిమాలతో సినీప్రియుల్ని అలరించారు సాయిదుర్గా తేజ్. ఆ తర్వాత మళ్లీ ఇంతవరకు కొత్త కబురు వినిపించలేదు. ఆ మధ్య సంపత్ నంది దర్శకత్వంలో ఓ చిత్రం చేస్తున్నట్లు ప్రకటన వచ్చినా కొన్ని కారణాల వల్ల అది కార్యరూపం దాల్చలేదు. -
థ్రిల్ ప్రాప్తిరస్తు
ప్రియదర్శి హీరోగా నటించనున్న కొత్త చిత్రం ఖరారైంది. రానా దగ్గుబాటి స్పిరిట్ మీడియా, శ్రీ వెంకటేశ్వర ఏషియన్ సినిమాస్ ఎల్ఎల్పీ సంస్థలు సంయుక్తంగా సమర్పిస్తున్న ఈ సినిమాతో నవనీత్ శ్రీరామ్ దర్శకుడిగా పరిచయం కానున్నారు. -
‘దేవర’లో కీలక పాత్ర.. అల్లరి నరేశ్ ఏమన్నారంటే?
‘దేవర’ సినిమా విషయంలో తనకెదురైన ప్రశ్నపై అల్లరి నరేశ్ స్పందించారు. -
నేనెందుకు సమాధానం చెప్పాలి?: వరలక్ష్మీ శరత్కుమార్
నెగెటివ్ కామెంట్స్ను తాను పట్టించుకోనన్నారు నటి వరలక్ష్మీ శరత్కుమార్. -
ఇండస్ట్రీలో ఇలాంటి వ్యక్తిని నేను చూడలేదు: తమన్నా
ఇండస్ట్రీలో ఇలాంటి వ్యక్తిని చూడలేదంటూ ఓ హీరోయిన్ని ప్రశంసించారు తమన్నా. ఆమె ఎవరంటే? -
చీరలో మెరిసిన అందాల ‘రాశి’.. కాలేజీ ఈవెంట్లో మాళవిక సందడి
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
‘దేవర’లో కీలక పాత్ర.. అల్లరి నరేశ్ ఏమన్నారంటే?
-
తెదేపా ఎన్నికల ప్రచార రథంపై వైకాపా మూకల రాళ్ల దాడి
-
నేనెందుకు సమాధానం చెప్పాలి?: వరలక్ష్మీ శరత్కుమార్
-
అతిపెద్ద ఎయిర్పోర్టు.. 400 గేట్లు.. రూ.2.9 లక్షల కోట్ల ఖర్చు!
-
చైనాతో చర్చలు.. భారత్ ఎప్పుడూ తలవంచదు: రాజ్నాథ్ సింగ్
-
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!