Rajinikanth: రజనీ వేట

రజనీకాంత్‌ 170వ చిత్రం పేరు ఖరారైంది. తమిళంలో ‘వేట్టయాన్‌’ అనే పేరుని ఖరారు చేశారు. తెలుగు పేరేమిటనేది తెలియాల్సి ఉంది.  ‘జై భీమ్‌’ ఫేం టి.జె.జ్ఞానవేల్‌ దర్శకత్వంలో  ఈ సినిమా తెరకెక్కుతున్న సంగతి తెలిసిందే. సుభాస్కరన్‌ నిర్మిస్తున్నారు. అమితాబ్‌ బచ్చన్‌, ఫహాద్‌ ఫాజిల్‌, రానా, మంజు వారియర్‌ కీలక పాత్రలు పోషిస్తున్నారు. రజనీకాంత్‌ పుట్టినరోజు సందర్భంగా మంగళవారం ఓ ప్రత్యేకమైన ప్రచార చిత్రంతో పేరుని ప్రకటించారు. ఈ పేరుకి తెలుగులో ‘వేటగాడు’ అని అర్థం. మరి రజనీ వేట ఎలా సాగిందో  తెలియాలంటే చిత్రం విడుదల వరకూ ఆగాల్సిందే.