RGV: కొత్త తరహా కథతో..

పూజా భాలేకర్‌ (Pooja Bhalekar) ప్రధాన పాత్రలో రామ్‌గోపాల్‌ వర్మ (RGV) తెరకెక్కించిన చిత్రం ‘అమ్మాయి’ (Ammayi). ఈ సినిమా ఇటీవలే ప్రేక్షకుల ముందుకొచ్చింది. ఈ నేపథ్యంలో శనివారం హైదరాబాద్‌లో విలేకర్ల సమావేశం నిర్వహించారు. ఈ సందర్భంగా దర్శకుడు రామ్‌గోపాల్‌వర్మ మాట్లాడుతూ..‘‘ఇది కలల సినిమా అని ఎన్నోసార్లు చెప్పా. ‘ఎంటర్‌ ది డ్రాగన్‌’ చిత్రం చూసినప్పటి నుంచి అలాంటిది ఒకటి చేయాలని అనుకున్నా. పూజా భాలేకర్‌లా మార్షల్‌ ఆర్ట్స్‌ తెలిసిన అమ్మాయి దేశంలోనే లేరు. కొత్త తరహా కథతో సినిమా ప్రయత్నించాం. నాకెంతో సంతోషంగా ఉంది’’ అన్నారు. ఈ కార్యక్రమంలో రామ సత్యనారాయణ, టి.అంజయ్య పాల్గొన్నారు.