Sara Ali Khan: ‘స్కై ఫోర్స్‌’లో సారాతో నటించేది అతడేనా?

ప్రముఖ వ్యాపారవేత్త సంజయ్‌ పహారియా తనయుడైన వీర్‌ పహారియాతో కథానాయిక సారా అలీ ఖాన్‌ (Sara Ali Khan) ప్రేమలో ఉన్నట్టూ, కొంత కాలానికి వారిద్దరూ విడిపోయినట్టూ అప్పట్లో వార్తలొచ్చాయి. వాటిలో నిజానిజాలు ఎలా ఉన్నా ఇప్పుడు ఈ ఇద్దరూ కలిసి తెరపై కనిపించబోతున్నట్లు సమాచారం. అక్షయ్‌ కుమార్‌, సారా అలీ ఖాన్‌ జంటగా సందీప్‌ కేవ్లానీ దర్శకత్వంలో ‘స్కై ఫోర్స్‌’ (Sky Force) సినిమా రానుంది. దినేష్‌ విజన్‌, జీ స్టూడియో ప్రొడక్షన్‌ సంయుక్తంగా సినిమాని నిర్మిస్తున్నారు. ఈ చిత్రంలో సారా తన మాజీ ప్రేమికుడు వీర్‌ పహారియాతో కలిసి అలరించనుందని బాలీవుడ్‌ వర్గాలు అంటున్నాయి. ఇదే నిజమైతే వీర్‌కు ఇదే తొలి చిత్రం అవుతుంది. ఈ సినిమా షూటింగ్‌ మే నెలలో మొదలైంది. వివిధ ప్రదేశాలలో మూడు నెలల పాటు చిత్రీకరణ జరగనుంది. ప్రస్తుతం లండన్‌లో షూటింగ్‌ని జరుపుకుంటోంది చిత్రబృందం. అక్కడ భారతదేశంలోని కొన్ని ప్రదేశాలను సినీ బృందం రీక్రియేట్‌ చేసింది.. 2024లో ఈ సినిమా విడుదలకు సిద్ధమవుతోంది.