singham: రామోజీ ఫిల్మ్‌ సిటీలో ‘సింగమ్‌’ పోరాటాలు

ఒక చిత్రం నచ్చిందంటే దానికి కొనసాగింపుగా ఎన్ని సీక్వెల్స్‌ వచ్చిన మంచి విజయాన్ని అందిస్తారు సినీ ప్రియులు. ఆ విషయాన్ని ‘సింగమ్‌’ ఫ్రాంచైజీ సినిమాల పరంగా నిజం చేశారు. 2011లో రోహిత్‌ శెట్టి దర్శకత్వంలో వచ్చిన ఈ సినిమా భారీ విజయాన్ని సొంతం చేసుకుంది. ఇప్పుడు ఈ ఫ్రాంచైజీలో రూపొందుతోన్న తాజా చిత్రం ‘సింగమ్‌ అగైన్‌’. అజయ్‌ దేవగణ్‌, అక్షయ్‌ కుమార్‌, రణ్‌వీర్‌ సింగ్‌, టైగర్‌ ష్రాఫ్‌, జాకీ ష్రాఫ్‌, అర్జున్‌ కపూర్‌, కరీనా కపూర్‌, దీపికా పదుకొణె లాంటి భారీ తారాగణంతో రోహిత్‌ ఈ చిత్రాన్ని తెరకెక్కిస్తున్న సంగతి తెలిసిందే. భారీ యాక్షన్‌ ఎంటర్‌టైనర్‌గా రానున్న ఈ సినిమా చిత్రీకరణ ప్రస్తుతం రామోజీ ఫిల్మ్‌ సిటీలో జరుగుతోంది. భారీ వాహనాల మధ్య బ్లాస్టింగ్‌ నేపథ్యంలో సాగే యాక్షన్‌ సన్నివేశాలను తెరకెక్కిస్తున్నారు.