Tollywood: నవ్వులే.. నవ్వులు

సంపత్‌ కుమార్‌ హీరోగా నటిస్తూ.. స్వీయ దర్శకత్వంలో తెరకెక్కించిన చిత్రం ‘సురాపానం’. కిక్‌ అండ్‌ ఫన్‌.. అన్నది ఉపశీర్షిక. అఖిల్‌ భవ్య క్రియేషన్స్‌ సంస్థ నిర్మించింది. ప్రగ్యా నయన్‌ కథానాయిక. ఈ చిత్ర టీజర్‌ను దర్శకుడు సాగర్‌ కె.చంద్ర గురువారం విడుదల చేశారు. ఈ సందర్భంగా ఆయన మాట్లాడుతూ.. ‘‘టీజర్‌ బాగుంది. మంచి థ్రిల్‌తో పాటు చక్కటి వినోదాన్ని అందిస్తున్న చిత్ర బృందానికి శుభాకాంక్షలు’’ అన్నారు. ‘‘ఇదొక ఫాంటసీ థ్రిల్లర్‌. ఆద్యంతం వినోదాత్మకంగా ఉంటుంది. మే చివరి వారంలో విడుదల చేస్తాం’’ అన్నారు హీరో, దర్శకుడు సంపత్‌.