Waltair Veerayya: మలేషియాకు వీరయ్య

చిరంజీవి కథానాయకుడిగా బాబీ (కె.ఎస్‌.రవీంద్ర) తెరకెక్కిస్తున్న మాస్‌ యాక్షన్‌ చిత్రం ‘వాల్తేరు వీరయ్య’. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ కథానాయిక. రవితేజ కీలక పాత్రలో కనిపించనున్నారు. ఈ సినిమా ఇటీవలే ఓ కీలక షెడ్యూల్‌ పూర్తి చేసుకుంది. ఇప్పుడు తదుపరి షెడ్యూల్‌ను మలేషియాలో ప్రారంభించేందుకు సిద్ధమవుతోంది చిత్ర బృందం. జూన్‌ రెండో వారంలో మొదలు కానున్న ఈ షెడ్యూల్‌లో యాక్షన్‌ ఘట్టాలతో పాటు పలు కీలక సన్నివేశాలు చిత్రీకరించనున్నట్లు    సమాచారం. ఈ షెడ్యూల్‌ దాదాపు మూడు వారాల పాటు అక్కడే కొనసాగనున్నట్లు తెలిసింది. ఈ సినిమాలో  చిరు పూర్తి మాస్‌ లుక్‌లో సరికొత్తగా కనిపించనున్నారు. ఈ చిత్రానికి దేవిశ్రీ ప్రసాద్‌ స్వరాలందిస్తున్నారు.