Kodali Nani: దేవాలయ ప్రాంగణంలో కొడాలి నాని బూతు పురాణం

గుడివాడ(నెహ్రూచౌక్‌), న్యూస్‌టుడే: పవిత్రతకు, ఆధ్యాత్మికతకు నెలవైన దేవాలయాన్ని రాజకీయ కార్యక్రమాలకు వేదిక చేసుకొని ప్రత్యర్థులను దూషించడానికి వాడుకున్నారు గుడివాడ ఎమ్మెల్యే కొడాలి నాని. గుడివాడ కాకర్ల వీధిలోని వేణుగోపాలస్వామి ఆలయంలో రూ.30 లక్షలతో నిర్మించిన కాలక్షేప మండపాన్ని కొడాలి నాని గురువారం ప్రారంభించారు. శ్రీకృష్ణాష్టమి పర్వదినం సందర్భంగా నిర్వహించే కార్యక్రమాల్లో రాజకీయాలు మాట్లాడటం, చంద్రబాబుపై విమర్శలు చేయడంపై ప్రజలు మండిపడుతున్నారు. ఆలయ ప్రాంగణంలో నిర్మించిన కాలక్షేప మండప ప్రారంభోత్సవ వేదికను సైతం వైకాపా రంగులతో కూడిన బెలూన్లతో నింపేశారు. దేవాలయాన్ని రాజకీయాలకు వాడుకోవటం పట్ల పలువురు అభ్యంతరం వ్యక్తం చేస్తున్నారు.