ప్రభుత్వ వెబ్‌సైట్‌లలో ఫొటోలు తొలగించాలి

సీఈఓకు అచ్చెన్నాయుడి లేఖ

ఈనాడు డిజిటల్‌, అమరావతి: ప్రభుత్వశాఖల వెబ్‌సైట్‌లలో ముఖ్యమంత్రి, మంత్రుల ఫొటోలు ఉండడంపై రాష్ట్ర ప్రధాన ఎన్నికల అధికారి(సీఈఓ)కి తెదేపా రాష్ట్ర అధ్యక్షుడు అచ్చెన్నాయుడు ఫిర్యాదు చేశారు. ఎన్నికల కోడ్‌ అమల్లోకి వచ్చినా.. వాటిల్లో సీఎం, మంత్రుల చిత్రాలు అలాగే ఉన్నాయని సోమవారం సీఈఓకు రాసిన లేఖలో పేర్కొన్నారు. ‘కోడ్‌ అమల్లోకి వచ్చిన వెంటనే ప్రభుత్వ వెబ్‌సైట్లలో రాజకీయ నాయకుల ఫొటోలు ఉండకూడదు. వీటిని తొలగించాలని వివిధ శాఖల కార్యదర్శులకు, శాఖాధిపతులకు ఆదేశాలు జారీ చేయాలి’ అని అందులో కోరారు.