BRS: ప్రవీణ్‌కుమార్‌ను భారాస ప్రధాన కార్యదర్శిగా నియమిస్తాం: కేసీఆర్‌

హైదరాబాద్‌: తమ పార్టీలో చేరిన ఆర్‌ఎస్‌ ప్రవీణ్‌ కుమార్‌కు భవిష్యత్తులో ఉన్నత పదవుల్లో అవకాశం కల్పిస్తామని భారాస అధినేత కేసీఆర్‌ తెలిపారు. సోమవారం సాయంత్రం ఎర్రవల్లిలోని తన నివాసంలో ప్రవీణ్‌ కుమార్‌ను కండువా కప్పి ఆయన పార్టీలోకి ఆహ్వానించారు. అనంతరం కేసీఆర్‌ మాట్లాడుతూ.. ‘‘ప్రవీణ్‌కుమార్‌ను భారాస ప్రధాన కార్యదర్శిగా నియమిస్తాం. పార్టీ నిర్మాణం చేసుకుందాం.. కమిటీలు వేసుకుందాం. రానున్న రోజుల్లో మనం అద్భుతమైన విజయం సాధిస్తాం. బహుజన సిద్ధాంతం అమలు దిశగా దేశానికి తెలంగాణను టార్చ్‌ బేరర్‌గా చేద్దాం’’ అని పార్టీ శ్రేణులకు కేసీఆర్‌ పిలుపునిచ్చారు.