PM Modi: ఈసారి కేరళలో కమలం వికసించబోతోంది: ప్రధాని మోదీ

పతనంథిట్ట: వచ్చే లోక్‌సభ ఎన్నిక(Lok Sabha Elections)ల్లో కేరళ నుంచి భాజపా కొన్ని స్థానాలు గెలుచుకుంటుందని ప్రధాని నరేంద్ర మోదీ(PM Modi) విశ్వాసం వ్యక్తంచేశారు. అవినీతి, అసమర్థ ప్రభుత్వాల వల్ల రాష్ట్ర ప్రజలు ఇబ్బందులు పడుతున్నారని విమర్శించారు. శుక్రవారం ఎన్డీయే అభ్యర్థుల తరఫున నిర్వహించిన ఎన్నికల ప్రచార సభలో ప్రధాని మాట్లాడుతూ.. ఈసారి కేరళలో కమలం వికసించబోతోందన్నారు. కేరళలోని వామపక్షాలు, కాంగ్రెస్‌ పార్టీలపై విమర్శలు గుప్పించారు. అవినీతి, అసమర్థతతో కొట్టుమిట్టాడుతున్న ఆయా ప్రభుత్వాల హయాంలో ప్రజలు ఇబ్బందులు పడుతున్నారన్నారు. 

జగనన్నా.. అంతఃకరణశుద్ధి అంటే అర్థం తెలుసా?: సునీత

వరుసగా ఎల్‌డీఎఫ్‌, యూడీఎఫ్‌ ప్రభుత్వాల గొలుసు విచ్ఛిన్నమైతేనే ప్రజలకు మేలు జరుగుతుందని ప్రధాని వ్యాఖ్యానించారు. గత ఎన్నికల్లో కేరళ ప్రజలు భాజపాను రెండంకెల ఓట్ల శాతం కలిగిన పార్టీగా మార్చారనీ.. ఈ ఎన్నికల్లో రెండంకెల సీట్లు సాధించే గమ్యం ఇంకెంతో దూరం లేదన్నారు. ఎల్‌డీఎఫ్‌, యూడీఎఫ్‌ ప్రభుత్వాలు రబ్బరు రైతులు పడుతున్న కష్టాలపై కళ్లు మూసుకొని వ్యవహరించాయని ఆరోపించారు. రాష్ట్రంలో శాంతిభద్రతలు క్రమంగా క్షీణిస్తున్నాయన్నారు.