తాడిపత్రిలో ఎవరినీ ప్రలోభ పెట్టడం లేదు: బొత్స

అనంతపురం: అనంతపురం మేయర్ అభ్యర్థిగా ముస్లిం మైనార్టీలకు, డిప్యూటీ మేయర్‌ అభ్యర్థిగా బలిజ సామాజిక వర్గానికి అవకాశం కల్పించాలని నిర్ణయించినట్లు మంత్రి బొత్స సత్యనారాయణ తెలిపారు. జిల్లాలోని 10 మున్సిపాలిటీల ఛైర్మన్లు, నగరపాలక సంస్థ మేయర్‌, డిప్యూటీ మేయర్‌ పదవుల ఖరారుపై బొత్స సమావేశం నిర్వహించారు. అనంతరం ఆయన మీడియాతో మాట్లాడారు. తాడిపత్రిలో ఎవరినీ ప్రలోభ పెట్టడం లేదన్నారు. తాము సాధించిన మున్సిపాలిటీల్లో తాడిపత్రి ఒక్కటి చేజారినంత మాత్రన తమ పార్టీకి వచ్చిన నష్టమేమీ లేదని.. ఈ విషయాన్ని తమ పార్టీకి చెందిన అక్కడి నేతలకు చెప్పామన్నారు.