Magunta Sreenivasulu Reddy: త్వరలో తెదేపాలో చేరతా: ఎంపీ మాగుంట

ఒంగోలు: త్వరలో తెదేపాలో చేరతానని వైకాపా ఎంపీ మాగుంట శ్రీనివాసులురెడ్డి (Magunta Sreenivasulu Reddy) ప్రకటించారు. తన కుమారుడు రాఘవరెడ్డి కూడా ఆ పార్టీ తీర్థం పుచ్చుకుంటారని చెప్పారు. తెదేపా అధినేత చంద్రబాబు, నారా లోకేశ్‌తో చర్చించి చేరిక తేదీని నిర్ణయిస్తామన్నారు. ఒంగోలులో మీడియాతో ఆయన మాట్లాడారు. రాజకీయాల నుంచి విశ్రాంతి తీసుకుంటున్నట్లు చంద్రబాబుతో చెప్పానన్నారు. రానున్న ఎన్నికల్లో తెదేపా నుంచి తన కుమారుడు పోటీ చేస్తారని శ్రీనివాసులురెడ్డి తెలిపారు. తెదేపా-జనసేన-భాజపా కలిసి పనిచేయడం శుభపరిణామమని చెప్పారు. వైకాపాకు మాగుంట ఇటీవల రాజీనామా చేసిన సంగతి తెలిసిందే.