Gautam Gambhir: అయితే భయపడండి.. లేకపోతే నాయకుడిగా ఉండండి: గంభీర్‌ పోస్టు వైరల్‌

ఇంటర్నెట్‌డెస్క్‌: అనుకున్న విషయాన్ని ముక్కుసూటిగా చెప్పేస్తుంటాడు టీమిండియా మాజీ ఆటగాడు గౌతమ్ గంభీర్‌(Gautam Gambhir). ప్రస్తుతం గంభీర్‌ ఐపీఎల్‌లో లఖ్‌నవూ జట్టు నుంచి కోల్‌కతా నైట్‌రైడర్స్‌(KKR)కు మారిపోయాడు. ఆ జట్టుకు మార్గనిర్దేశకుడి పాత్ర పోషించనున్నాడు. ఈ సమయంలో ఆయన పెట్టిన ఓ పోస్టు నెట్టింట్లో వైరల్‌గా మారింది.

నాయకత్వం గురించి వార్‌ హీరో, ఫీల్డ్ మార్షల్ సామ్‌ మానెక్‌షా(Field Marshal Sam Manekshaw) మాట్లాడిన ఓ వీడియోను గంభీర్‌ షేర్ చేశాడు. ‘ఒకసారి మీ భయాన్ని బయటపెట్టిన తర్వాత మీరు నిష్క్రమించాలి’ అంటూ ఆ వీడియోలో మానెక్‌ షా మాట్లాడారు. ఆయన మాటలకు గంభీర్‌ స్పందిస్తూ.. ‘అయితే భయపడండి.. లేకపోతే ఒక నాయకుడిగా ఉండండి’ అని వ్యాఖ్యను జోడించాడు.

Gautam Gambhir - KKR: కోల్‌కతా రాత మారుస్తాడా!

ఇదిలా ఉంటే.. కొద్దిరోజుల క్రితం గంభీర్ టీ20 ప్రపంచకప్ సారథ్యం గురించి తన అభిప్రాయం వ్యక్తం చేశాడు. వచ్చే టీ20 వరల్డ్‌ కప్‌లో మాత్రం టీమ్‌ఇండియాను రోహిత్ శర్మనే నడిపించాలని సూచించాడు. వన్డే ప్రపంచ కప్‌లో రోహిత్ సారథ్య పనితీరు అద్భుతంగా ఉందని కొనియాడాడు.