Breaking | Feedback | ePratibha | E-PAPER | Pratibha

Rinku Singh: రింకూ సింగ్ బచ్చా కాదు.. బాప్‌: షారూక్‌ ఖాన్‌

రింకూ సింగ్‌ గురించి ఒక్కమాటలో చెప్పాలని ట్విటర్‌లో ఓ అభిమాని షారూక్‌ఖాన్‌ (Shah Rukh Khan)ను ప్రశ్నించగా.. ఆయన అదిరిపోయే సమాధానమిచ్చాడు.

Published : 26 Jun 2023 23:28 IST

ఇంటర్నెట్ డెస్క్: రింకూ సింగ్ (Rinku Singh).. ఐపీఎల్‌-16 సీజన్‌ వరకు ఈ పేరు పెద్దగా ఎవరికీ తెలియదు. కానీ, ఈ ఏడాది ఐపీఎల్‌లో ఒకే ఒక్క ఇన్నింగ్స్‌తో అతడి పేరు ప్రపంచవ్యాప్తంగా మార్మోగింది. గుజరాత్ టైటాన్స్‌పై మ్యాచ్‌ చివరి ఓవర్‌లో వరుసగా ఐదు సిక్సర్లు బాదేసి జట్టును గెలిపించడమే కాకుండా కోల్‌కతా నైట్‌రైడర్స్‌ (KKR) జట్టులో స్టార్‌ ఆటగాడిగా మారిపోయాడు. తీవ్రమైన ఒత్తిడిలోనూ రింకూ సింగ్‌ అసాధారణ ఇన్నింగ్స్‌ను చూసి దిగ్గజ క్రికెటర్లు సైతం ఫిదా అయ్యారు. ఇదే జోరు కొనసాగిస్తే అతడిని త్వరలో టీమ్‌ఇండియా (Team India)కు ఎంపిక కావడం ఖాయమని పలువురు మాజీలు విశ్లేషించారు. బాలీవుడ్ స్టార్‌ హీరో, కేకేఆర్‌ సహ యజమాని షారూక్‌ఖాన్‌ (Shah Rukh Khan) కూడా రింకూ సింగ్‌ను ప్రశంసించాడు.

తాజాగా ట్విటర్‌లో షారూక్‌ఖాన్‌ అభిమానులతో క్వశ్చన్‌ అండ్ ఆన్సర్‌ సెషన్‌లో పాల్గొన్నాడు. ‘కేకేఆర్‌ కా బచ్చా రింకూ సింగ్‌ గురించి ఒక్క మాటలో చెప్పండి’ అని ఓ అభిమాని షారూక్‌ను ప్రశ్నించారు. దానికి ‘రింకూ సింగ్ బచ్చా కాదు.. బాప్‌’ అంటూ షారూక్‌ఖాన్‌ అదిరిపోయే సమాధానమిచ్చాడు. రింకూ సింగ్ ఈ ఏడాది ఐపీఎల్‌లో 14 మ్యాచ్‌లు ఆడి 59.25 సగటుతో 474 పరుగులు చేశాడు. ఉత్తర్‌ప్రదేశ్‌లోని అలీగఢ్‌కు చెందిన ఈ క్రికెటర్‌ జాతీయ జట్టులో చోటు కోసం ఎదురుచూస్తున్నాడు. త్వరలో విండీస్‌తో జరిగే టీ20 సిరీస్‌లో రింకూ సింగ్‌ను జట్టులోకి తీసుకునే అవకాశముంది.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.