Criket News: మైదానంలో కుప్పకూలిన ఇద్దరు క్రికెటర్లు
బౌన్సర్లు తగలడం వల్లో.. డైవ్ చేయడం వల్లో ఆటగాళ్లు మైదానంలో పడిపోవడం సాధారణమే! సమస్య ఏంటో తెలియకుండానే స్పృహ తప్పి మైదానంలో కుప్పకూలిపోవడం మాత్రం అరుదు. పది నిమిషాల వ్యవధిలోనే ఒకే జట్టుకు చెందిన ఇద్దరు క్రికెటర్లు అలా పడిపోతే ఆందోళన తప్పదు....
ఒక్కసారిగా భయానికి లోనైన సహచరులు
ఇంటర్నెట్ డెస్క్: బౌన్సర్లు తగలడం వల్లో.. డైవ్ చేయడం వల్లో ఆటగాళ్లు మైదానంలో పడిపోవడం సాధారణమే! అయితే హఠాత్తుగా స్పృహ తప్పి మైదానంలో కుప్పకూలిపోవడం మాత్రం అరుదు. పది నిమిషాల వ్యవధిలోనే ఒకే జట్టుకు చెందిన ఇద్దరు క్రికెటర్లు అలా పడిపోతే ఆందోళన తప్పదు. వెస్టిండీస్, పాకిస్థాన్ మహిళల క్రికెట్ మ్యాచులో ఇలాగే జరగడంతో ఒక్కసారిగా అంతా భయపడిపోయారు.
ఆంటిగ్వాలోని కూలిడ్జ్ క్రికెట్ మైదానంలో శుక్రవారం వెస్టిండీస్, పాక్ మహిళల జట్లు రెండో టీ20లో తలపడ్డాయి. మొదట ఆతిథ్య జట్టు బ్యాటింగ్ చేసింది. ఆ తర్వాత పాకిస్థాన్ ఛేదన చేస్తుండగా కరీబియన్ క్రికెటర్లు చినెల్లి హెన్రీ, చెడీన్ నేషన్ పది నిమిషాల వ్యవధిలో స్పృహ తప్పి పడిపోయారు. వెంటనే అప్రమత్తమైన సహాయ సిబ్బంది వారిని ఆస్పత్రికి తరలించారు. ఇప్పుడు ఈ వీడియోలు వైరల్గా మారాయి.
ప్రస్తుతం వారిద్దరూ స్పృహలోకి వచ్చారని, వారి ఆరోగ్యం నిలకడగానే ఉందని తెలిసింది. అయితే వారెందుకు మైదానంలో కుప్పకూలిపోయారో ఇప్పటికీ రహస్యంగానే ఉండిపోయింది. వారిని ఆస్పత్రికి తరలించాక మ్యాచ్ తిరిగి ఆరంభించారు. వర్షం పడటంతో విండీస్ డక్వర్త్ లూయిస్ విధానంలో విజయం సాధించింది. మైదానంలో పడిపోయిన చెనెల్లి, చెడీన్ ఆరోగ్యం బాగుండాలని పాక్ కెప్టెన్ జవేరియా ఖాన్ ప్రార్థించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు హ్యాట్రిక్
ఎక్కడైతే ఐపీఎల్ చరిత్రలోనే అత్యధిక స్కోరు రికార్డు నమోదైందో.. ఎక్కడైతే బౌండరీల వరద పారుతుందో.. అక్కడ గుజరాత్ టైటాన్స్ పరుగులు చేసేందుకు ఆపసోపాలు పడింది. బెంగళూరు బౌలర్ల దెబ్బకు కుదేలై కేవలం 147 పరుగులకే కుప్పకూలింది. -
కప్పులో ఇలాగే ఆడితే..?
హార్దిక్ పాండ్య.. కపిల్ దేవ్ తర్వాత ఆ స్థాయిని అందుకోగల నాణ్యమైన ఆల్రౌండర్గా అంచనాలు పెంచిన ఆటగాడు. వివిధ ఫార్మాట్లలో కొన్ని సంచలన ఇన్నింగ్స్లు.. అప్పుడప్పుడూ బౌలింగ్ మెరుపులతో భవిష్యత్తుపై ఎంతో ఆశలు రేకెత్తించాడీ ఆల్రౌండర్. -
ఐఎస్ఎల్ ఛాంప్ ముంబయి
ముంబయి సిటీ ఎఫ్సీ రెండోసారి ఐఎస్ఎల్ టైటిల్ను గెలుచుకుంది. శనివారం జరిగిన ఫైనల్లో 3-1తో మోహన్ బగాన్పై విజయం సాధించింది. 44వ నిమిషంలో జేసన్ కమింగ్స్ గోల్తో మొదట మోహన్ బగాన్ ఆధిక్యంలోకి దూసుకెళ్లింది. కానీ జోర్గె పెరెర్యా దియాజ్ (53వ) గోల్తో ముంబయి స్కోరు సమం చేసింది. -
భారత్ ఖాతాలో 43 పతకాలు
ఆసియా అండర్-22, యూత్ బాక్సింగ్ ఛాంపియన్షిప్లో భారత బాక్సర్లు పతకాల పంట పండిస్తున్నారు. ఇప్పటికే వివిధ విభాగాల్లో 43 పతకాలను ఖాయం చేశారు. శనివారం అండర్-22 విభాగంలో ఆకాశ్ గోర్కా (60 కేజీలు), విశ్వనాథ్ (48 కేజీలు), నిఖిల్ (57 కేజీలు), ప్రీత్ మలిక్ (67 కేజీలు) స్వర్ణ పోరుకు అర్హత సాధించారు. -
ధోని నా తండ్రి లాంటోడు..
ధోని తనకు తండ్రి లాంటి వాడని ఐపీఎల్లో చెన్నై సూపర్కింగ్స్కు ఆడుతున్న శ్రీలంక ఫాస్ట్బౌలర్ పతిరన అన్నాడు. అతడి చిన్నచిన్న సలహాలు తనకెంతో ఆత్మవిశ్వాసాన్నిచ్చాయని చెప్పాడు. 2022లో ఐపీఎల్ అరంగేట్రం చేసిన 21 ఏళ్ల పతిరన.. ఆ తర్వాత చెన్నైకి కీలక బౌలర్గా ఎదిగాడు. -
ఆ హిట్టింగ్కు ఈ స్టేడియాలా?
ప్రస్తుత బ్యాటర్ల పవర్ హిట్టింగ్కు పాత కాలం నాటి స్టేడియాల పరిమాణం సరిపోదని ఆఫ్ స్పిన్నర్ రవిచంద్రన్ అశ్విన్ అన్నాడు. ఐపీఎల్-17లో తరుచూ 200పైన స్కోర్లు నమోదవుతున్న నేపథ్యంలో అతడిలా వ్యాఖ్యానించాడు. -
జట్టు ఎంపికలో కృత్రిమ మేధ
ఏ క్రీడలోనైనా ఆటగాళ్ల ఫామ్, ఫిట్నెస్, ప్రత్యర్థిని చూసి సెలక్టర్లు జట్టును ఎంపిక చేస్తారు. కానీ ఇప్పుడా పని కృత్రిమ మేధ (ఏఐ) చేస్తోంది. అవును.. ఇది నిజం. పిచ్ పరిస్థితులు, ప్రత్యర్థి ఆటగాళ్లు, అందుకు తగ్గట్లు కూర్పు తదితర అంశాలను పరిగణనలోకి తీసుకుని మైదానంలో బరిలో దిగే తుది జట్టును ఏఐ నిర్ణయిస్తోంది.