Science And Technology: అదృశ్య ఐదో శక్తి!
మన విశ్వం మొత్తాన్ని నాలుగు ప్రాథమిక బలాలు.. గురుత్వాకర్షణ, విద్యుదయస్కాంత, బలహీన, బలీయ శక్తులు నడిపిస్తున్నాయి. ఇవే కాకుండా ఐదో శక్తీ ఉందని కొన్ని ఊహాత్మక సిద్ధాంతాలు ప్రతిపాదిస్తున్నాయి.
మన విశ్వం మొత్తాన్ని నాలుగు ప్రాథమిక బలాలు.. గురుత్వాకర్షణ, విద్యుదయస్కాంత, బలహీన, బలీయ శక్తులు నడిపిస్తున్నాయి. ఇవే కాకుండా ఐదో శక్తీ ఉందని కొన్ని ఊహాత్మక సిద్ధాంతాలు ప్రతిపాదిస్తున్నాయి. ప్రస్తుత సిద్ధాంతాలు విశ్లేషించలేని వివరణల లోటును ఇది భర్తీ చేయగలదని భావిస్తున్నారు. దీన్ని గుర్తించటానికి ఇటీవల ప్రయత్నాలూ ముమ్మరమయ్యాయి. ఈ దిశగా అమెరికాలోని ఫెర్మిల్యాబ్ శాస్త్రవేత్తలు ముందడుగు వేశారు. కొన్ని ఉప-పరమాణు కణాలు ప్రస్తుత భౌతికశాస్త్ర సూత్రాలకు భిన్నంగా ప్రవర్తించినట్టు గుర్తించారు. మనకు తెలియని ఐదో శక్తి ప్రభావమే దీనికి కారణమని భావిస్తున్నారు. ఇది రుజువైతే భౌతికశాస్త్రంలో సరికొత్త విప్లవానికి బీజం పడినట్టే. ఆల్బర్ట్ ఐన్స్టీన్ సాపేక్ష సిద్ధాంతం అనంతరం ఇదే అతిగొప్ప ఆవిష్కరణ కాగలదు.
మనం గుర్తించినా గుర్తించకపోయినా ప్రాథమిక శక్తులు మన రోజువారీ పనులన్నింటినీ ప్రభావితం చేస్తాయి. బాస్కెట్ బాల్ ఆడటం కావొచ్చు, రాకెట్ నింగిలోకి దూసుకెళ్లటం కావొచ్చు, ఫ్రిజ్ మీద అయస్కాంతాన్ని అతికించటం కావొచ్చు. అన్నీ ప్రాథమిక శక్తుల సూత్రాలకు లోబడినవే. ఆ మాటకొస్తే విశ్వంలో జరిగే అన్ని చర్యలు, పనులకూ ఇవే మూలం. అవే గురుత్వాకర్షణ శక్తి, బలహీన శక్తి, విద్యుదయస్కాంత శక్తి, బలీయ శక్తి. వీటి గురించి మనకు బాగానే తెలుసు. ఇప్పుడు కొత్తగా ఐదో శక్తి ఉనికి సంచలనం కలిగిస్తోంది. ఫెర్మిల్యాబ్ శాస్త్రవేత్తలు ‘జీ మైనస్ 2’ ప్రయోగంతో దీన్ని గుర్తించారు. ఈ ప్రయోగంలో మ్యూయాన్స్ అనే ఉప-పరమాణు కణాలను 50 మీటర్ల వ్యాసం రింగు ద్వారా అతి వేగంగా కదిలించారు. దాదాపు కాంతి వేగం వద్ద 1000 రెట్ల వేగంతో ప్రవహించేలా చేశారు. అప్పుడవి వాటి సహజ స్థితి కన్నా భిన్నంగా ప్రవర్తించాయి. మ్యూయాన్స్ అనేవి అణువుల చుట్టూ తిరిగే ఎలక్ట్రాన్ల మాదిరి ఉప-పరమాణు కణాలే. కానీ 200 రెట్లు పెద్దగా ఉంటాయి. ఫెర్మిల్యాబ్ శాస్త్రవేత్తలు వీటిని సూపర్కండక్టింగ్ అయస్కాంతాల సాయంతో అటూఇటూ ఊగేలా చేశారు. కానీ ఇవి ఊహించిన దాని కన్నా చాలా వేగంతో ఊగిసలాడాయి. వీటి ప్రవర్తన కణ భౌతికశాస్త్ర సిద్ధాంతమైన స్టాండర్డ్ మోడల్ విశ్లేషణకూ చిక్కలేదు. మ్యూయాన్స్ విచిత్ర ప్రవర్తనకు కొత్త శక్తి ప్రభావమే కారణమని భావిస్తున్నారు. దీన్నే ఐదో ప్రాథమిక శక్తిగా ఊహిస్తున్నారు. గత 50 ఏళ్లుగా అన్ని ప్రయోగాలను స్టాండర్డ్ మోడల్ ధర్మాలకు అనుగుణంగానే నిర్వహిస్తున్నారు. కొత్త ప్రయోగం భిన్నంగా ప్రవర్తించినట్టయితే భౌతికశాస్త్రాన్ని అర్థం చేసుకోవటంలో పెద్ద మార్పు తీసుకురాగలదు. ఈ నేపథ్యంలో ప్రాథమిక శక్తుల వివరాలు, అవి విశ్వాన్ని ఎలా ప్రభావితం చేస్తున్నాయో చూద్దాం.
1. ప్రముఖం గురుత్వాకర్షణ శక్తి
ద్రవ్యరాశి లేదా శక్తి కలిగిన రెండు వస్తువుల మధ్య ఆకర్షణే గురుత్వాకర్షణ శక్తి. ఎత్తు నుంచి రాయి కిందికి పడటం, నక్షత్రం చుట్టూ గ్రహం తిరగటం, చంద్రుడి ప్రభావంతో సముద్రాల్లో అలలు ఎగిసిపడటం వంటివన్నీ దీని ఫలితాలే. ప్రాథమిక శక్తుల్లో అన్నింటికన్నా ప్రముఖంగా కనిపింది ఇదే అయినా దీన్ని విశ్లేషించటం చాలా కష్టం. గురుత్వాకర్షణ భావనను ఐజాక్ న్యూటన్ తొలిసారి ప్రతిపాదించారు. చెట్టు నుంచి యాపిల్ కింద పడుతుండటాన్ని గమనించినప్పుడు ఆయనకు ఇది తట్టింది. రెండు వస్తువుల మధ్య ఉండే ఆకర్షణను ఆయన గురుత్వాకర్షణగా వర్ణించారు. శతాబ్దాల అనంతరం ఆల్బర్ ఐన్స్టీన్ తన సాపేక్ష సిద్ధాంతంలో దీన్ని వివరించారు. ఇది ఆకర్షణ లేదా శక్తి కాదని.. వస్తువుల మూలంగా అంతరిక్షం-కాలం అల్లికలో ఏర్పడే వంపు ఫలితమని పేర్కొన్నారు. ఒక షీటు మధ్యలో పెద్ద వస్తువును పెట్టామనుకోండి. షీటు కిందికి వంగుతుంది కదా. ఆ వస్తువు చుట్టూ ఉండే చిన్న వస్తువులు సైతం మధ్యలోకి వచ్చేస్తాయి. అంతరిక్షంలోనూ పెద్ద వస్తువు ఉన్నచోట ఇలాగే వంపు ఏర్పడుతుందని, ఆ వస్తువు చుట్టుపక్కల చిన్న వస్తువులను దగ్గరికి లాక్కొంటుందని వివరించారు. గ్రహాలు, నక్షత్రాలు, సౌర వ్యవస్థలు, చివరికి నక్షత్ర మండలాలు సైతం ఈ గురుత్వాకర్షణ ప్రభావంతోనే కలిసి ఉంటున్నాయి. అయినప్పటికీ ప్రాథమిక శక్తుల్లో అన్నింటికన్నా బలహీనమైది ఇదే. ముఖ్యంగా కణ, అణు స్థాయిలో ఇది తేలిపోతుంది.
2. ప్రాణులకు మూలం బలహీన శక్తి
దీన్నే బలహీన పరమాణు శక్తి అనీ పిలుస్తారు. రేణువులు క్షీణించటానికిదే కారణం. ఒకరకంగా దీన్ని ఒక ఉప-పరమాణు కణం మరో కణంగా మారటమని చెప్పుకోవచ్చు. ఉదాహరణకు- న్యూట్రాన్కు సమీపంలో కదలాడే న్యూట్రినో అనే ఉప-పరమాణు కణం ఆ న్యూట్రాన్ను ప్రోటాన్గా మార్చగలదు. ఈ క్రమంలో న్యూట్రినో ఎలక్ట్రాన్గానూ మారగలదు. బలహీన, బలీయ, విద్యుదయస్కాంత శక్తులకు ప్రత్యేకమైన బోసన్ కణాలు కారణమవుతుంటాయి. బలహీన శక్తిలో ఆవేశిత డబ్ల్యూ, జెడ్ బోసన్లు పాలు పంచుకుంటాయి. ప్రోటాన్లు, న్యూట్రాన్లు, ఎలక్ట్రాన్ల వంటి ఉప-పరమాణు కణాలు ప్రోటాన్కు సమీపంలోకి వచ్చినప్పుడు అవి బోసన్లను మార్పిడి చేసుకుంటాయి. ఫలితంగా ఉపపరమాణు కణాలు క్షీణించి, కొత్త కణాలుగా ఏర్పడతాయి. సూర్యుడి అణు సంయోగ ప్రక్రియలో ఈ బలహీన శక్తే కీలకపాత్ర పోషిస్తుంది. భూమి మీద ప్రాణులన్నింటికీ శక్తినందించే సౌరశక్తికి ఇదే మూలం! అందుకే పురాతన ఎముక, కలప, వస్తువుల వంటి వాటి వయసును తెలుసుకోవటానికి శాస్త్రవేత్తలు కార్బన్-14ను ఉపయోగించుకుంటారు. కార్బన్-14లో ఆరు ప్రోటాన్లు, ఎనిమిది న్యూట్రాన్లు ఉంటాయి. వీటిల్లో ఒక న్యూట్రాన్ క్షీణించి ప్రోటాన్గా మారి, చివరికి నైట్రోజన్-14గా ఏర్పడుతుంది. ఈ క్షీణత నిర్ణీత వేగంతో సాగుతుంది. దీని మూలంగానే పురాతన వస్తువుల వయసు నిర్ధరణ సాధ్యమవుతోంది.
3. రెండింటి కలయిక విద్యుదయస్కాంత శక్తి
ఇది రుణావేశిత ఎలక్ట్రాన్లు, ధనావేశిత ప్రోటాన్ల వంటి ఆవేశిత కణాల మధ్య జరిగే చర్య. దీన్ని లోరెంట్జ్ ఫోర్స్ అనీ అంటారు. విజాతి ఆవేశితాలు ఒకదాంతో మరోటి ఆకర్షింపబడతాయి. ఎంత ఎక్కువ ఆవేశముంటే విద్యుదయస్కాంత శక్తి అంత ఎక్కువగా ఉంటుంది. గురుత్వాకర్షణ మాదిరిగానే అనంత దూరాల నుంచీ దీన్ని గమనించొచ్చు. కాకపోతే దూరం పెరుగుతున్నకొద్దీ శక్తి ప్రభావం తగ్గుతూ వస్తుంది. విద్యుత్ శక్తి, అయస్కాంత శక్తి రెండూ కలిసి విద్యుదయస్కాంత శక్తిగా ఏర్పడుతుంది. మొదట్లో ఇవి రెండూ వేర్వేరని శాస్త్రవేత్తలు భావించారు. కానీ ఇవి ఒకే శక్తిలోని రెండు అంశాలని గుర్తించారు. ఆవేశిత కణాలు కదులుతున్నా, స్థిరంగా ఉన్నా వాటి మధ్య విద్యుత్ అంశం చర్య జరుపుతుంది. ఆవేశిత కణాల ప్రభావంతో అక్కడ క్షేత్రం ఏర్పడుతుంది. కానీ ఒకసారి కదలటం మొదలయ్యాక ఆవేశిత కణాలు అయస్కాంత శక్తిని ప్రదర్శిస్తాయి. అవి కదులుతున్నప్పుడు తమ చుట్టూ అయస్కాంత శక్తిని సృష్టిస్తాయి. అందుకే తీగ నుంచి ఎలక్ట్రాన్లు ప్రవహిస్తున్నప్పుడు అది అయస్కాంతంగా మారుతుంది. ఘర్షణ, విద్యుత్తు వంటివి విద్యుదయస్కాంత శక్తికి ఉదాహరణలుగా చెప్పుకోవచ్చు. ఘన వస్తువులు ఒకదాంతో మరోటి కలిసి ఉండేలా చేసేది ఇదే. ఆవేశిత లేదా తటస్థ కణాల మధ్య జరిగే చర్యలతోనే ఈ పనులన్నీ జరుగుతాయి. ఉదాహరణకు- టేబుల్ మీద పెట్టిన పుస్తకాన్ని గురుత్వాకర్షణ శక్తి కిందికి లాగుతున్నా మామూలు శక్తి దాన్ని అలాగే ఉంచుతుంది. పుస్తకం పరమాణువుల్లోని ఎలక్ట్రాన్లను టేబుల్ పరమాణువుల్లోని ఎలక్ట్రాన్లు తిప్పికొట్టటమే దీనికి కారణం.
4. అత్యంత దృఢం బలీయ శక్తి
దీన్ని బలీయ పరమాణు శక్తి అనీ అంటారు. ప్రాథమిక బలాల్లో అంత్యంత దృఢమైంది ఇదే. గురుత్వాకర్షణ శక్తి కన్నా 6 వేల ట్రిలియన్ ట్రిలియన్ ట్రిలియన్ (6 తర్వాత 39 సున్నాలు) రెట్లు బలమైంది! కాబట్టే ప్రాథమిక పదార్థ కణాలను కలిపి ఉంచి, పెద్ద కణాలుగా ఏర్పడేలా చేస్తుంది. ప్రోటాన్లు, న్యూట్రాన్లకు మూలమైన క్వార్క్స్ను బంధించి ఉంచుతుంది. కణ కేంద్రకంలోని ప్రోటాన్లు, న్యూట్రాన్లనూ బలీయ శక్తిలోని కొంత భాగం కలిపి ఉంచుతుంది. ఈ బలీయ శక్తి చిత్రమైంది. ఇతర ప్రాథమిక శక్తుల మాదిరిగా కాకుండా ఉప-పరమాణు కణాలు సన్నిహితంగా వస్తున్నకొద్దీ ఇది బలహీన పడుతుంది. కణాలు ఒకదాంతో మరోటి వీలైనంత దూరం జరిగినప్పుడు గరిష్ఠ బలానికి చేరుకుంటుంది. తమ పరిధిలో ఉన్నప్పుడు గ్లుయాన్లనే ద్రవ్యరాశి రహిత ఆవేశిత బోసన్ కణాలు క్వార్క్స్ మధ్య బలమైన శక్తిని వెలువరిస్తాయి. ఇలా అవి కలిసి ఉండేలా చేస్తాయి. కణ కేంద్రకంలోని ప్రోటాన్లు ఒకే విధమైన ఆవేశాన్ని కలిగుండటం వల్ల ఒక దాన్నుంచి మరోటి వెనక్కు జరుగుతాయి. కానీ బలీయ శక్తిలో చిన్న అంశమైన రెసిడ్యుయల్ స్ట్రాంగ్ ఫోర్స్ మూలంగా అవి అతుక్కొంటాయి.
శక్తులు వేర్వేరా? అన్నీ ఒకటేనా?
ప్రాథమిక శక్తులన్నీ వేర్వేరా? లేకపోతే విశ్వంలోని ఏకైక శక్తి రూపాలా? అనేది పెద్ద ప్రశ్న. ఒకే శక్తి రూపాలైనట్టయితే ఒకదాంతో మరోటి కలిసిపోవాలి. దీనికి సంబంధించిన రుజువులనూ గుర్తించారు. విద్యుదయస్కాంత, బలహీన శక్తులను శాస్త్రవేత్తలు మేళవించి విద్యుత్ బలహీన శక్తిగా మార్చారు. దీనికి గాను హార్వర్డ్ యూనివర్సిటీ భౌతిక శాస్త్రవేత్తలు షెల్డాన్ గ్లాషో, స్టీవెన్ వీన్బర్గ్.. ఇంపీరియల్ కాలేజ్ లండన్కు చెందిన అబ్దస్ సలామ్ సంయుక్తంగా 1979లో నోబెల్ బహుమతిని అందుకున్నారు కూడా. ప్రస్తుతం శాస్త్రవేత్తలు మహా మేళన సిద్ధాంతాన్ని కనుగొనటానికీ ప్రయత్నిస్తున్నారు. విద్యుత్ బలహీన శక్తిని బలీయ శక్తితో మేళవించి విద్యుత్ అణు శక్తిగా మార్చటం దీని ఉద్దేశం. చిట్టచివరికి విద్యుత్ అణుశక్తిని గురుత్వాకర్షణతో కలిపి ‘సమస్త సిద్ధాంతాన్ని’ రూపొందించాలనీ భావిస్తున్నారు. ఇది మొత్తం విశ్వాన్ని విశ్లేషించగలదు. అయితే సూక్ష్మ ప్రపంచాన్ని స్థూల ప్రపంచంతో మేళవించటం చాలా కష్టమని శాస్త్రవేత్తలు గుర్తించారు. చాలావరకు.. ముఖ్యంగా ఖగోళ స్థాయిలో గురుత్వాకర్షణ ఆధిపత్యం చలాయిస్తుంది. కానీ అణు, పరమాణు స్థాయిలో క్వాంటమ్ మెకానిక్స్ పెద్ద ప్రభావం చూపుతుంది. ఈ రెండింటినీ కలిపే మార్గాన్ని ప్రస్తుతానికి ఎవరూ కనుగొనలేదు. దృశ్య, అదృశ్య ప్రపంచాల మధ్య ‘డార్క్ ఫోటాన్’ వారధిగా పనిచేస్తున్నట్టు సిద్ధాంతపరంగా భావిస్తున్నారు. ఒకవేళ ఈ డార్క్ ఫోటాన్ల ఉనికి నిజమే అయితే కృష్ణ పదార్థంతో కూడిన అదృశ్య ప్రపంచాన్నీ గుర్తించొచ్చు. ప్రస్తుతానికైతే డార్క్ ఫోటాన్ల జాడేదీ దొరకలేదు. అసలు ఇలాంటివి లేనేలేవని కొన్ని పరిశోధనలు గట్టిగా చెబుతున్నాయి. ఒకవేళ వీటిని గుర్తించినట్టయితే ఐదో ప్రాథమిక శక్తి ఆవిష్కరణకూ దారితీయగలదు. తాజా ప్రయోగం ఇందుకు దారి చూపుతుందో లేదో చూడాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం
-
పెళ్లి గౌనును రీమోడల్ చేయించిన సమంత.. ఫొటోలు వైరల్
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం