రామయ్య హుండీ ఆదాయం రూ.1.31 కోట్లు

భద్రాచలం, న్యూస్‌టుడే: భద్రాచలం శ్రీ సీతారామచంద్రస్వామి ఆలయ హుండీ ఆదాయాన్ని గురువారం లెక్కించారు. 35 రోజులకు రూ.1,31,84,181 నగదు రూపంలో సమకూరింది. యూఎస్‌ డాలర్లు 25, యూఏఈ దిర్హమ్స్‌ 55, సింగపూర్‌ డాలర్లు 2, ఇంగ్లండ్‌ పౌండ్లు 10, థాయ్‌ల్యాండ్‌ బాట్స్‌ 20, సౌదీ రియాల్స్‌ 17, వెండి 1.45 కిలోలు, బంగారం 230 గ్రాములు కానుకల రూపంలో వచ్చినట్లు ఈవో రమాదేవి చెప్పారు. ఈ మొత్తాన్ని బ్యాంకులో స్వామివారి పేరిట జమ చేశారు. శ్రీరామనవమి కల్యాణ బ్రహ్మోత్సవాలకు భక్తులు తరలిరావడంతో ఈ ఆదాయం వచ్చిందని భావిస్తున్నారు.