Girl Friend on rent: అద్దెకు గర్ల్‌ఫ్రెండ్‌.. ఏజెన్సీలను ఆశ్రయిస్తున్న యువకులు

బీజింగ్‌: చైనాలో కొన్ని ఏజెన్సీలు అద్దెకు గర్ల్‌ఫ్రెండ్‌ను ఏర్పాటు చేస్తున్నాయి. అక్కడి యువకులు వివాహాలు ఆలస్యంగా చేసుకుంటున్నారు. తల్లిదండ్రులు వివాహ సంబంధాలపై తీవ్రంగా ఒత్తిడి తీసుకువస్తుండటంతో ఈ ఏజెన్సీలను ఆశ్రయించే యువకుల సంఖ్య పెరిగింది. వారు అక్కడి అమ్మాయిలను తీసుకువచ్చి తమ గర్ల్‌ఫ్రెండ్స్‌గా తల్లిదండ్రులకు పరిచయం చేస్తున్నట్లు తెలుస్తోంది. ఒక వార్తా సంస్థ విలేకరి స్టింగ్‌ ఆపరేషన్‌తో ఈ ఉదంతం బయటకు వచ్చింది. ఒక్కో యువతి గర్ల్‌ఫ్రెండ్‌గా ఉండేందుకు రోజుకు దాదాపు 1000 యువాన్లు (145 డాలర్లు) తీసుకుంటున్నట్లు తెలుస్తోంది. వేలమంది యువతులు ఉద్యోగం చేస్తూనే దీన్ని పార్ట్‌టైమ్‌ పనిగా  ఎంచుకుంటున్నట్టు సమాచారం.