రంజాన్‌కు కాల్పుల విరమణ లేనట్లే

డిమాండ్లకు అంగీకరించని ఇరుపక్షాలు

జెరూసలెం: గాజాలో కాల్పుల విరమణ కోసం రెండువైపుల నుంచి వచ్చిన డిమాండ్లను ఇరుపక్షాలు పరస్పరం అంగీకరించలేదు. దీంతో రంజాన్‌ మాసంలో కాల్పుల విరమణ కోసం ప్రపంచ దేశాలు చేసిన ప్రయత్నాలు ఫలించలేదు. తొలుత ఇజ్రాయెల్‌ డిమాండ్లను హమాస్‌ అంగీకరించలేదు. ఆ తర్వాత ఇజ్రాయెల్‌ సమ్మతించలేదు. హమాస్‌ డిమాండ్లకు అంగీకరించడంలేదని మంగళవారం ఇజ్రాయెల్‌ ప్రధాని నెతన్యాహు కార్యాలయం విడుదల చేసిన ప్రకటన స్పష్టం చేసింది. కాల్పుల విరమణ ఒప్పందంపై చర్చలకు హమాస్‌ పెద్దగా ఆసక్తి చూపడం లేదని పేర్కొంది. ఇది భద్రతా మండలి నిర్ణయానికి పెద్ద దెబ్బని వ్యాఖ్యానించింది. అంతకుముందు యుద్ధాన్ని పూర్తిగా నిలిపివేయాల్సిందేనని, గాజా నుంచి ఇజ్రాయెల్‌ వెనక్కి వెళ్లాల్సిందేనని, అప్పటివరకూ కాల్పుల విరమణకు అంగీకరించేది లేదని మధ్యవర్తులకు హమాస్‌ స్పష్టంచేసింది.