70% పనిచేయని ఏటీఎంలు

తాజావార్తలు


70% పనిచేయని ఏటీఎంలు
పెరిగిన కాసుల కష్టాలు
 అమరావతి: ఏటీఎంలు మూగబోయాయి. ప్రజల నగదు కష్టాలు తీరడం లేదు. బ్యాంకులకు వరుసగా మూడు రోజులు సెలవులు రావడంతో రాష్ట్రంలో నగదు కష్టాలు మరింత తీవ్రమయ్యాయి. రిజర్వుబ్యాంకు నుంచి డబ్బులు వస్తున్నప్పటికీ వచ్చిన నగదు వస్తున్నట్లే ఖాళీ అవుతోంది. దీంతో ప్రజలు తీవ్ర ఇబ్బందులు ఎదుర్కొంటున్నారు. సెలవుల కారణంగా బ్యాంకులు మూతపడ్డాయి. ప్రజలు నగదు కోసం కేవలం ఏటీఎంలపైనే ఆధారపడాల్సి వస్తోంది. నగదు లేకపోవడంతో ఉన్న ఒకటి రెండు ఏటీఎంల వద్ద ప్రజలు కిలోమీటర్ల కొద్ది బారులు తీరుతున్నారు. విజయవాడ మొత్తం మీద శనివారం పనిచేసిన ఏటీఎంలు కేవలం పాతికలోపే ఉన్నాయి. బందరు రోడ్డులో ఒక బ్యాంకుకు చెందిన రెండు ఏటీఎంలు మాత్రమే పనిచేశాయి. అవి కూడా నిమిషాల వ్యవధిలోనే ఖాళీ అయ్యాయి. ఏలూరు రోడ్డులో ఒక ఏటీఎం మినహా అన్నీ మూతపడ్డాయి. రాష్ట్రంలోని అన్ని జిల్లాల్లోనూ ఇవే పరిస్థితులు కనిపించాయి.

70 శాతం ఖాళీ
మొత్తం ఏటీఎంలలో శనివారం దాదాపు 70 శాతం నగదు లేక ఒట్టిపోయి కనిపించాయి. రాష్ట్రంలో మొత్తం 8036 ఏటీఎంలున్నాయి. అందులో 5900 ఏటీఎంలు సక్రమంగా పని చేస్తున్నాయి. మిగిలినవి వివిధ కారణాలతో నిరుపయోగంగా ఉన్నాయి. పనిచేస్తున్న ఏటీఎంల్లోనూ 70 శాతం నగదు లేక వెక్కిరిస్తున్నాయి.

ఎక్కడైనా నగదు వస్తున్నా అది రూ.2వేల నోట్లు మాత్రమే. చిన్న నోట్ల కొరత తీవ్రంగా ఉంది. దీంతో జేబులో డబ్బులున్నా లేని చందాన తయారైంది. గ్రామీణ ప్రాంతాల్లో పరిస్థితి మరింత దారుణంగా ఉంది. కొన్ని ప్రాంతాల్లో కిరాణ సరకులు, కూరగాయలు కొనడానికి కూడా ప్రజలు చిల్లర లేక ఇబ్బందులు పడ్డారు. ఏజెన్సీ ప్రాంతాల్లో పరిస్థితి మరింత దారుణంగా ఉంది. చిన్న చిన్న అవసరాలు తీర్చుకోవడానికి కూడా ఇబ్బంది పడాల్సి వచ్చింది.

చిన్న నోట్లు అందితే కదా...
రాష్ట్రానికి శుక్రవారం రూ.1450 కోట్ల నగదు వచ్చింది. ఇందులో ఎక్కువగా చిన్న నోట్లే ఉన్నాయి. వాటి పంపిణీని ఇంకా బ్యాంకర్లు పూర్తి చేయలేదు. ఏటీఎంల ద్వారా చిల్లర నగదు ప్రజలకు అందుబాటులోకి వస్తే కొరత తీవ్రత తగ్గే సూచనలున్నాయి. వచ్చిన నగదు కూడా కొన్ని బ్యాంకులకు మాత్రమే చేరుతుండటం, ఇతర బ్యాంకులను పెద్ద బ్యాంకర్లు నిరక్ష్యం చేస్తుండటం కూడా నగదు సమస్యకు కారణమవుతోంది.

వీరంతా ఉదయం 5 గంటల నుంచే చలిలో డబ్బుల కోసం నిలబడ్డారు. పింఛను సొమ్ము కోసం కొందరు..ఖాతాలో ఉన్న మొత్తాన్నుంచి ఓ రెండు వేలు తీసుకుందామని కొందరు..గుంటూరు నగరంలోని నగరంపాలెం ఎస్‌బీఐ ఏటీయం వద్ద వరుసలో నుంచున్నారు. నగరవాసులే కాకుండా... చుట్టు పక్కల ప్రాంతాల నుంచి మహిళలు, వృద్ధులు భారీగా తరలివచ్చారు. మధ్యాహ్నం ఒంటిగంట అయినా ఏటీఎం తీసిన జాడ లేకపోవడంతో చిన్నపిల్లలతో వచ్చిన వారు, వృద్ధులు పలు ఇబ్బందులు ఎదుర్కొన్నారు.వరుస క్రమేణా కిలోమీటరు మేర పెరిగిపోయింది. పోలీసులొచ్చి ఏటీఎం వద్ద రద్దీని అదుపుచేశారు. గుంటూరు పశ్చిమ డీఎస్పీ వచ్చి ఎటీఎంను తెరిపించడంతో ఒంటిగంట తరువాత నగదు తీసుకోవడం ప్రారంభమైంది. ఆ రద్దీ రాత్రి వరకూ కొనసాగుతూనే ఉంది.
- ఈనాడు, గుంటూరు
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.