News In Pics: చిత్రం చెప్పే సంగతులు

1/25

రొమేనియాలో ప్రభుత్వం అక్కడి ఇంటెలిజెన్స్‌ సర్వీస్‌కు అధికారాలను పెంచుతూ చట్టాలను మార్చేందుకు నిర్ణయించింది. దీన్ని వ్యతిరేకిస్తూ పలువురు ఆందోళనకారులు బుచారెస్ట్‌లోని ప్రభుత్వ కార్యాలయాల ఎదుట భారీ కళ్లను పోలిన మాస్కులు ధరించి వినూత్నంగా నిరసన తెలిపారు.

2/25

3/25

రిటైర్డ్‌ ఐపీఎస్‌ డా.ఎం.మాలకొండయ్య, సీనియర్‌ ఐఏఎస్‌ డా.పూనం మాలకొండయ్య దంపతుల కుమార్తె వివాహ రిసెప్షన్‌కు సీఎం వైఎస్‌ జగన్‌మోహన్‌రెడ్డి హాజరయ్యారు. మంగళగిరిలోని సీకే కన్వెన్షన్‌లో జరిగిన వేడుకలో ఆయన పాల్గొని వధూవరులు పల్లవి, కృష్ణతేజలను ఆశీర్వదించారు.

4/25

5/25

గుజరాత్‌లోని అహ్మదాబాద్‌లో జులై 1న జగన్నాథుడి రథయాత్ర ఉత్సవాలు నిర్వహించనున్నారు. ఈ ఉత్సవాల్లో ప్రదర్శన కోసం పలువురు యువకులు ద్విచక్రవాహనంతో విన్యాసాలను సాధన చేస్తూ కనిపించారు.

6/25

బంగ్లాదేశ్‌లో భారీ వర్షాలతో వరదలు ముంచెత్తాయి. దీంతో సిలిహట్‌ నగరంలో స్థానికులు ఇళ్లలోని సామగ్రిని పడవల్లో సురక్షిత ప్రాంతాలకు తరలించారు.

7/25

దేశంలో కరోనా కేసులు స్వల్పంగా పెరుగుతున్నాయి. దీంతో తెలంగాణ రాష్ట్ర ప్రజారోగ్య శాఖ డైరెక్టర్‌ శ్రీనివాస్ మంగళవారం మాస్కులు, టీకాతో పాటు భౌతికదూరం తప్పనిసరి పాటించాలని ప్రజలకు సూచించారు. ఈ నేపథ్యంలో హైదరాబాద్‌ గన్‌పౌండ్రిలోని మహబూబియా పాఠశాలలో విద్యార్థులందరు మాస్కులు ధరించి తరగతులు వింటూ కనిపించారు.

8/25

లండన్‌లోని సోతిబే ఆక్షన్‌ హౌస్‌లో ‘స్టడీ ఫర్‌ పోర్ట్రేట్‌ ఆఫ్‌ లూసేన్‌ ఫ్రెడ్’ అనే చిత్రాన్ని పదర్శనకు సిద్ధం చేస్తున్నారు. ఈ నెల 29న జరగనున్న వేలంలో ఈ చిత్రం సుమారు 35మిలియన్‌ పౌండ్లకు అమ్ముడుపోతుందని నిపుణులు అంచనా వేస్తున్నారు.

9/25

పేరూరులో నిర్వహిస్తున్న వకుళామాత ఆలయ మహా సంప్రోక్షణకు మంత్రి పెద్దిరెడ్డి రామచంద్రారెడ్డి, ఎంపీ మిథున్‌రెడ్డి కుటుంబ సమేతంగా హాజరయ్యారు. ప్రత్యేక పూజల్లో పాల్గొని అందరికీ మంచి జరగాలని కోరుకున్నారు.

10/25

11/25

ప్రముఖ బాలీవుడ్‌ నటుడు సల్మాన్‌ఖాన్‌ ఎంపీ సంతోశ్‌కుమార్‌తో కలిసి గ్రీన్‌ ఇండియా ఛాలెంజ్‌లో భాగంగా మొక్కలు నాటారు. ఈ ఫొటోలను ఎంపీ సంతోశ్‌కుమార్‌ ట్విటర్‌ ఖాతాలో పంచుకున్నారు. గ్రీన్‌ ఇండియా ఛాలెంజ్‌లో పాలుపంచుకున్నందుకు సల్మాన్‌ఖాన్‌కు కృతజ్ఞతలు తెలుపుతూ పోస్టు పెట్టారు. పచ్చదనం పెంపునకు సల్మాన్‌ చేసిన కృషి ఆయన అభిమానులకు స్ఫూర్తిగా నిలుస్తుందని అన్నారు.

12/25

13/25

జనగామ పర్యటనలో ఉన్న మంత్రి శ్రీనివాస్‌గౌడ్ అక్కడి ఖిలాషాపూర్‌ గ్రామంలోని బీఆర్‌ అంబేడ్కర్, సర్దార్‌ సర్వాయి పాపన్నగౌడ్‌‌, బాబూ జగ్జీవన్‌రామ్‌ విగ్రహాలకు పూలమాలలు వేసి నివాళి అర్పించారు. అనంతరం ఆ విగ్రహాల వద్ద ఉన్న చెత్త, మట్టికుప్పలను ఎమ్మెల్యే రాజయ్యతో కలిసి తొలగించారు. పరిసరాలను పరిశుభ్రంగా ఉంచుకోవాలని గ్రామస్థులకు సూచించారు.

14/25

15/25

భారతీయ బ్యాంకుల నుంచి రూ.వేల కోట్ల రుణాలు తీసుకొని పరారైన వ్యాపారవేత్త విజయ్‌ మాల్యా వెస్టిండీస్‌ క్రికెటర్‌ క్రిస్‌ గేల్‌ను కలిశారు. ఈ ఫొటోను ట్విటర్‌ ఖాతాలో పంచుకున్న మాల్యా.. తన స్నేహితుడు, యూనివర్సల్ బాస్‌ను కలుసుకోవడం ఆనందంగా ఉందని తెలుపుతూ పోస్టు పెట్టారు.

16/25

1998 డీఎస్సీ అభ్యర్థులు ఏపీ సీఎం వైఎస్‌ జగన్‌మోహన్‌రెడ్డిని ఆయన క్యాంపు కార్యాలయంలో మర్యాదపూర్వకంగా కలిశారు. 24ఏళ్ల నాటి సమస్యను పరిష్కరించారని హర్షం వ్యక్తం చేస్తూ సీఎంను శాలువాతో సత్కరించారు.

17/25

ఆత్మకూరు శాసనసభ స్థానం ఉపఎన్నికను గురువారం నిర్వహించనున్నారు. ఈ నేపథ్యంలో ప్రతిఒక్కరూ ఓటు హక్కు వినియోగించుకోవాలనే ఉద్దేశంతో ఆత్మకూరు ఏఎస్‌ఆర్‌ ఇంజినీరింగ్ కళాశాల ప్రాంగణంలో విద్యార్థులు ప్రత్యేక ఆకృతిలో కూర్చొని అవగాహన కల్పించారు. మేకపాటి గౌతమ్ మృతి చెందడంతో ఈ అసెంబ్లీ స్థానంలో ఉపఎన్నిక నిర్వహిస్తున్న సంగతి తెలిసిందే.

18/25

ఎంపీ సంతోశ్‌కుమార్‌ చేపట్టిన గ్రీన్‌ ఇండియా ఛాలెంజ్‌ ఖ్యాతి ఖండాంతరాలకు విస్తరించింది. ప్రముఖ పోలార్‌ ఎక్స్‌ప్లోరర్‌ రాబర్ట్‌ స్వాన్‌ ఈ కార్యక్రమం గొప్పతనాన్ని గుర్తించి దక్షిణ ధ్రువం అంటార్కిటికాలో దీనికి సంబంధించిన పతాకాన్ని ఎగురవేశారు. ఈ ఫొటోలను తన ట్విటర్‌ ఖాతాలో పంచుకున్న ఎంపీ సంతోశ్‌కుమార్‌.. రాబర్ట్‌ స్వాన్‌కు కృతజ్ఞతలు తెలుపుతూ పోస్టు పెట్టారు.

19/25

20/25

అఫ్గానిస్థాన్‌లో భారీ భూకంపం సంభవించింది. ఈ ఘటనలో సుమారు 255మంది మృతి చెందినట్లు అధికారులు తెలిపారు. అక్కడి పక్తిక ప్రావిన్స్‌లోని గయాన్‌ జిల్లాలో క్షతగాత్రులను ప్రభుత్వ హెలికాప్టర్‌లో హుటాహుటిన ఆసుపత్రులకు తరలించారు.

21/25

రష్యాలోని సెయింట్‌ పీటర్స్‌బర్గ్‌లో ప్యాలస్‌ స్క్వేర్ వద్ద మాతృభూమి స్మారకం తరహాలో దీపాలు వెలిగించారు. రెండో ప్రపంచ యుద్ధ సమయంలో నాజీ దండయాత్రకు గుర్తుగా ఈ కార్యక్రమం నిర్వహించారు.

22/25

23/25

ఎన్డీయే తరఫున రాష్ట్రపతి అభ్యర్థిగా ఎంపికైన ద్రౌపదీ ముర్మూ ఈ రోజు తన స్వరాష్ట్రం ఒడిశాలోని మయూర్‌భంజ్‌ జిల్లాకు చెందిన రాయ్‌రంగ్‌పుర్‌లోని శివాలయానికి వెళ్లారు. గుడిలో నేరుగా దేవుడి దర్శనానికి వెళ్లకుండా.. ఆలయ ప్రాంగణాన్ని చీపురుతో శుభ్రపరిచారు. ఆ తర్వాత ప్రత్యేక పూజలు నిర్వహించారు.

24/25

తెలంగాణ రాష్ట్ర సంప్రదాయేతర ఇంధన వనరుల అభివృద్ధి కార్పొరేషన్‌(రెడ్‌ కో) ఛైర్మన్‌గా నియమితులైన వై.సతీశ్‌రెడ్డి, తెలంగాణ రాష్ట్ర ఫిలిం, టెలివిజన్‌&థియేటర్‌ అభివృద్ధి కార్పొరేషన్‌ ఛైర్మన్‌గా నియమితులైన అనిల్‌ కుర్మాచలం తెరాస కార్య నిర్వాహక అధ్యక్షుడు, మంత్రి కేటీఆర్‌ను మర్యాదపూర్వకంగా కలిశారు. తమను నూతన పదవులకు ఎంపిక చేయడం పట్ల కృతజ్ఞతలు తెలిపారు.

25/25

సాధారణంగా ఇంటి నంబర్లు గేటు, గోడలపై కనిపిస్తుంటాయి. అలా ఉంటే తన ప్రత్యేకత ఏముంటుందని భావించాడో యజమాని. ఇలా వినూత్నంగా ఓ రాయిపై తన ఇంటి పేరు, నంబరు చెక్కించి వైవిధ్యాన్ని చాటుకున్నాడు. జూబ్లీహిల్స్‌ రోడ్ నంబర్‌ 10లోనిదీ చిత్రం.