Breaking | Feedback | ePratibha | E-PAPER | Pratibha

News in pics: చిత్రం చెప్పే సంగతులు -02(07-02-2023)

Updated : 07 Feb 2023 20:51 IST

1/17

రంగారెడ్డి జిల్లా ముచ్చింతల్‌లో నిర్వహిస్తున్న ‘సమతా కుంబ్‌ -2023’లో భాగంగా ఈ రోజు భక్తులతో అంగన్యాసం, కరన్యాసం సహిత మంత్ర అనుష్ఠానం చేయించారు. ఈ సందర్భంగా చినజీయర్‌ స్వామి చిన్నారులకు పెరుమాళ్లపాద తీర్థాన్ని పంపిణీ చేశారు.

2/17

కరన్యాసం చేస్తున్న చిన్నారి

3/17

శ్రీశైలంలో శివరాత్రి పర్వదినానికి ఏర్పాట్లు ముమ్మరంగా కొనసాగుతున్నాయి. ఆలయంలో ఏర్పాటు చేసిన విద్యుత్తు కాంతులు మిరిమిట్లు గొలుపుతున్నాయి..

4/17

ఆలయంలో ఏర్పాటు చేసిన విద్యుత్తు కాంతులు

5/17

తిరుపతిలోని శ్రీ పద్మావతి మహిళా విశ్వవిద్యాలయం ఆడిటోరియంలో సైబర్‌ క్రైమ్‌పై అవగాహన సదస్సు నిర్వహించారు. జిల్లా ఎస్పీ పరమేశ్వర్‌రెడ్డి, ప్రముఖులు పాల్గొన్నారు. హెల్ప్‌లైన్‌ నెంబర్‌ కరపత్రికను ఆవిష్కరించారు.

6/17

సదస్సులో పాల్గొన్న ప్రముఖులు

7/17

కుమురంభీం జిల్లా జైనూర్‌ మండలం నుంచి కర్ణంగూడకు వెళ్తున్నప్పుడు.. అందరి చూపులను ఆకట్టుకునేలా 20అడుగుల ఎత్తున ఓ వలను ఏర్పాటు చేశారు. దీని కింద సోలార్‌ ఫెన్సింగ్‌తో పాటు చుట్టూ చీరలు కట్టి మధ్యలో పంట పండిస్తున్నారు. అడవి పందులు, పక్షులు రాకుండా ఈ ఏర్పాటు చేసినట్లు రైతు తెలిపాడు.

8/17

నాగ శౌర్య, మాళవిక నాయర్‌ జంటగా అవసరాల శ్రీనివాస్‌ దర్శకత్వంలో తెరకెక్కుతున్న చిత్రం ‘ఫలానా అబ్బాయి ఫలానా అమ్మాయి’. ఈ సినిమా టీజర్‌ను ఫిబ్రవరి 9న విడుదల చేయనున్నట్లు చిత్రబృందం తెలిపింది.

9/17

చిత్తూరు జిల్లాలోని నిండ్ర మండలంలో మంత్రి రోజా పలు సంక్షేమ కార్యక్రమాలను ప్రారంభించారు. ఈ సందర్భంగా తాగునీటి పైపులైన్‌లను ఆమె ప్రారంభించి ప్రజలతో ముచ్చటించారు.

10/17

హైదరాబాద్‌లోని ప్రొఫెసర్ జయశంకర్ వ్యవసాయ విశ్వవిద్యాలయంలో అంతర్ కళాశాలల క్రీడా, సాంస్కృతిక పోటీలు నిర్వహిస్తున్నారు. ఈ సందర్భంగా విద్యార్థులు చేసిన నృత్యాలు ఆకట్టుకున్నాయి..

11/17

పాల్గొన్న విద్యార్థులు

12/17

హీరో సుహాస్‌ ప్రధాన పాత్రలో షణ్ముఖ ప్రశాంత్‌ తెరకెక్కించిన చిత్రం ‘రైటర్‌ పద్మభూషణ్’. ఈ చిత్రం విజయపథంలో దూసుకెళ్తోంది. ఈ సందర్భంగా మహిళలు ఈ సినిమాని ఉచితంగా చుసే అవకాశాన్ని చిత్రబృందం కల్పించింది. రెండు తెలుగు రాష్ర్టాల్లో 38 థియేటర్‌లలో ఫిబ్రవరి 8న టికెట్‌ లేకుండా ఈ సినిమాని చూడొచ్చని తెలిపారు.

13/17

టీపీసీసీ అధ్యక్షుడు రేవంత్ రెడ్డి చేపట్టిన ‘హాథ్ సే హాథ్’ జోడో యాత్ర రెండో రోజు ములుగు జిల్లాలో కొనసాగుతోంది. ఈ సందర్భంగా రేవంత్‌రెడ్డి, ఇతర నాయకులు రామప్ప ఆలయానికి చేరుకున్నారు. అక్కడ ప్రత్యేక పూజలు చేశారు.

14/17

జోడో యాత్రలో కోలాటం ఆడుతున్న మహిళలు

15/17

హీరో సుహాస్‌ ప్రధాన పాత్రలో షణ్ముఖ ప్రశాంత్‌ తెరకెక్కించిన చిత్రం ‘రైటర్‌ పద్మభూషణ్’’. ఈ చిత్రం విజయపథంలో దూసుకెళ్తోంది. ఈ సందర్భంగా సినిమా చూసిన హీరో మహేశ్‌బాబు చిత్ర బృందాన్ని అభినందించారు. ‘ మంచి సినిమా. క్లైమాక్స్‌ బాగుంది’ అని ఆయన ట్వీట్‌ చేశారు.

16/17

కిరణ్‌ అబ్బవరం కథానాయకుడిగా జీఏ2 పిక్చర్స్‌ పతాకంపై రూపొందుతున్న చిత్రం ‘వినరో భాగ్యము విష్ణుకథ’. కశ్మీర పరదేశీ కథానాయిక. మురళీ కిషోర్‌ అబ్బురూ దర్శకుడిగా పరిచయం అవుతున్నారు. ఈ సినిమా ట్రైలర్‌ను ఫిబ్రవరి 17న సాయంత్రం సుప్రీం హీరో సాయి థరమ్‌ తేజ్‌ విడుదల చేయనున్నట్లు చిత్రబృందం తెలిపింది.

17/17

నూతన సచివాలయం సమీపంలోని వెనక భాగం వద్ద ప్రధాన రహదారి పక్కన మంచినీటి పైపు పగిలి నీరు రోడ్డుపై ప్రవహిస్తోంది. దీంతో మంచి నీరు వృథా అవుతోంది. ప్రయాణికుల రాకపోకలకు ఇబ్బంది ఏర్పడుతోంది.