దహీ శాండ్‌విచ్‌

లాక్‌డౌన్‌ స్పెషల్‌

ఈ లాక్‌డౌన్‌ సమయంలో తొందరగా సిద్ధమయ్యే అల్పాహారాలు కావాలంటే దహీ శాండ్‌విచ్‌ ప్రయత్నించవచ్ఛు అందమైన ఉదయాన్ని నూనెలేని స్వచ్ఛమైన ఆహారంతో ఆనందంగా ప్రారంభించవచ్ఛు.

కావాల్సినవి: పెరుగు- రెండు కప్పులు, మయోనైజ్‌- పావుకప్పు, బ్రెడ్‌స్లైస్‌లు- రెండు, క్యారెట్‌, క్యాబేజీ, క్యాప్సికమ్‌ ముక్కలు, ఉడికించిన స్వీట్‌కార్న్‌- రెండు టేబుల్‌ స్పూన్ల చొప్పున, మిరియాల పొడి- అర టీస్పూన్‌, ఉప్పు- తగినంత.

తయారీ: పెరుగును పలుచటి వస్త్రంలో మూటగట్టి రెండు గంటలపాటు ఫ్రిజ్‌లో పెట్టాలి. తర్వాత గిన్నెలోకి తీసుకుని మయోనైజ్‌ వేసి బాగా కలపాలి. దీంట్లో సన్నగా తరిగిన క్యాబేజీ, క్యారెట్‌, క్యాప్సికమ్‌ ముక్కలు, ఉడికించిన స్వీట్‌కార్న్‌ వేయాలి. తర్వాత మిరియాల పొడి, ఉప్పు వేసి బాగా కలపాలి. రెండు బ్రెడ్‌ స్లైస్‌లు తీసుకుని చివర్లను కత్తిరించాలి. ఒక ముక్క మీద పెరుగు మిశ్రమాన్ని అంతా పరచాలి. తర్వాత బ్రెడ్‌ను త్రికోణాకారంలో కోసి ముక్కలను ఒకదానిపై మరొకటి పెట్టాలి. అలాగే రెండో బ్రెడ్‌స్లైస్‌నూ చేసుకోవాలి.