సోలమన్‌ సందేశం

సోలమన్‌ మహారాజు తన ‘సామెతలు’ గ్రంథంలో అనేక విషయాలు చెప్పారు. సోమరులను ఉద్దేశించి ‘సోమరీ.. ఎంతసేపని నిద్రిస్తావు? మెలకువ వచ్చిన తర్వాత కూడా ‘ఇంకొంచెం సేపు పడుకుంటాను, మరికాసేపు కునుకు తీస్తాను...’ అనుకుంటూ కాళ్లూచేతులూ ముడుచుకుని పడుకుంటావు. నువ్వలా నిద్రించడం వల్ల దోపిడీ దారులా దౌర్జన్యంగా ప్రవేశిస్తుంది దారిద్య్రం. ఆయుధాలు చేపట్టి వచ్చినట్టు నీ మీదికి లంఘిస్తుంది. చీమలను గమనించు. వాటి నడతలు కనిపెట్టి జ్ఞానం పెంచుకో. తమపైన ఏ అధికారులూ, న్యాయాధిపతులూ లేకున్నా, ఎవరూ ఎలాంటి విచారణలూ చేయకున్నా.. అవి సమయం అనువుగా ఉన్నప్పుడు ఆహారం సమకూర్చుకుంటాయి. మనం చీమల కంటే మంచి స్థితిలో ఉన్నాం. ఎన్నో సామర్థ్యాలున్నాయి. బద్ధకాన్ని వదిలి కష్టపడి పనిచేస్తే దేనికీ కొదవ లేకుండా అన్ని వేళల్లో హాయిగా బతకొచ్చు’ అంటూ రాశారు.

- జి.ప్రశాంత్‌