పరిపూర్ణ ఆనందం

సృష్టిలో ప్రతి మనిషి ఆనందం కోసం అహర్నిశలూ పాటుపడటం సహజం. పరిపూర్ణ ఆనందం అనేది ‘సంతృప్తి’ అన్న మూడక్షరాల్లో ఇమిడి ఉంది. ఉన్నంతలో సంతృప్తి చెందేవారికి ఆనందం వశమవుతుంది. అత్యాశకు లోనయ్యే వారిని దుఃఖం నీడలా వెంబడిస్తుంది.
ఒక శిష్యుడు తన గురువుతో ‘ఆర్యా! ఆనందం పొందడానికి సులభమార్గం ఉంటే చెప్పండి’ అనడిగాడు. గురువు నవ్వి ‘అటు చూడు నాయనా! ఆ బాలుడేం చేస్తున్నాడో గమనించి చెప్పు! ఇప్పుడా పిల్లవాడి ముందు బంగారు ఉంగరమో, మరేదైనా వస్తువో పడేస్తే కాసేపు దానితో ఆడుకుని ఆనక విసిరేస్తాడే గానీ విలువైందని దాచుకోడు. మనం కూడా పిల్లల మనస్తత్వం కలిగుండాలి. దేనిమీదా వ్యామోహం పెంచుకోకూడదు. ఈ మార్గాన్ని అనుసరిస్తే ఆనందాన్ని, సుఖశాంతులను పొందడం సులువు’ అంటూ సంశయం తీర్చాడు.                 

సాయి అనఘ