మాటిస్తే సరిపోదు...

మనలో చాలామంది అనేక సందర్భాల్లో అనేక విషయాలకు సంబంధించి వాగ్దానాలు చేస్తుంటారు. వాటిని ఎంతవరకూ అమలు చేస్తున్నారంటే సమాధానం సంతృప్తిగా ఉండదు. చాలాసార్లు అవి నెరవేరవు. మాటిచ్చిన తర్వాత దాన్ని తప్పకుండా అమలుపరచాలి, లేదంటే వాగ్దానం చేయనే కూడదు అన్నాడు (ప్రసంగి 5:5) ఏసుప్రభువు. ఇక బలహీనతల గురించి చెప్పనవసరమే లేదు.  యెఫ్తా రాజుకు ఒక మొక్కుబడి ఉంది. యుద్ధంలో జయం కలిగి రాజ్యానికి తిరిగి వచ్చాక.. తనకు మొదటగా కనిపించినదాన్ని దేవుడికి కృతజ్ఞతగా (న్యాయాధిపతులు 11:30) అర్పిస్తాడు. ఒకసారి అలాగే తిరిగొస్తున్నాడు. తండ్రికి ఘన స్వాగతం పలికేందుకు రాకుమార్తె సంతోషంగా ఎదురొచ్చింది. తన వాగ్దానం గుర్తొచ్చి రాజు దుఃఖితుడయ్యాడు. విషయం తెలుసుకున్న కూతురు తనకు కొంత సమయం ఇవ్వమంది. కొండ మీదికి వెళ్లి కొన్నాళ్లు పార్థనలు చేసి వచ్చి, తండ్రిని  వాగ్దానం నెరవేర్చుకోమంది. రాజు అలాగే చేశాడు. ఇచ్చిన మాట కోసం ప్రాణ సమానమైన కుమార్తెనూ సమర్పించిన అరుదైన ఘటన ఇది.            

మర్రి ఎ.బాబ్జీ