ఒకే సమయంలో రెండు డిగ్రీలు.. సాధ్యమేనా?

బీబీఏ మొదటి సంవత్సరం చదువుతున్నాను. ఇగ్నోలో దూరవిద్య ద్వారా బీఏ చేయడానికి దరఖాస్తు చేసుకున్నాను. రెండింటినీ ఒకేసారి చేయవచ్చా? చేస్తే ఆ డిగ్రీలకు విలువ ఉంటుందా?

- శ్రీహర్షిత

ఒకే సమయంలో ఒక రెగ్యులర్‌ కోర్సు, ఒక దూరవిద్య/ఆన్‌లైన్‌ కోర్సు చదువుకోడానికి యూనివర్సిటీ గ్రాంట్స్‌ కమిషన్‌ (యూజీసీ) 2020లో ఆమోదం తెలిపింది. దీని ప్రకారం మీరు రెగ్యులర్‌ మోడ్‌లో ఏ కోర్సు చదువుతున్నా కానీ, దూరవిద్య/ఆన్‌లైన్‌ ద్వారా నచ్చిన కోర్సులో చేరే అవకాశం ఉంది. మీరు బీబీఏ డిగ్రీ రెగ్యులర్‌గా చదువుతూ, ఇగ్నో ద్వారా బీఏ డిగ్రీని కూడా పూర్తిచేసుకోవచ్చు. అయితే ఒకే సమయంలో రెండు డిగ్రీలను రెగ్యులర్‌ మోడ్‌లో చదవడం కుదరదు.