నవ్వుల్‌..  నవ్వుల్‌..

మీరే చెప్పారుగా మరి..

లల్లి: ఏంటి టీచర్‌ ఏదో టానిక్‌ తాగుతున్నారు?
టీచర్‌: కాస్త దగ్గు వస్తోంది లల్లీ.. అందుకని..
లల్లి: నవ్వును మించిన ఔషదం లేదని మొన్న మీరే అన్నారుగా టీచర్‌.

నవ్వితే సరి.. దగ్గుపోతుంది కదా.. మళ్లీ టానిక్‌ ఎందుకు?
టీచర్‌: ఆఁ!!

నన్ను వాళ్లు ఏమీ అనరు నాన్న

నాన్న: చంటీ.. ఇప్పటికే ఆరు ఐస్‌క్రీములు తిన్నావ్‌. పెళ్లి వారు చూస్తే ఏమనుకుంటారు? ఇక చాలు ఆపు.
చంటి: అందుకే ప్రతిసారి మీ పేరు చెప్పి తెచ్చుకుని తింటున్నాగా నాన్నా.. !

మీ మేలు కోరే ఇలా..

టింకు: నాన్నా మీరు బీపీ మాత్ర వేసుకున్నారా?
నాన్న: థ్యాంక్స్‌ టింకూ.. నీకు నా మీద ఎంత ప్రేమరా..
టింకు: అది కాదు నాన్నా.. మీరు బీపీ మాత్ర వేసుకుంటే.. నా ప్రోగ్రెస్‌ రిపోర్టు మీద సంతకం పెట్టించుకుందామని!!
నాన్న: ఆఁ!!