వ్యాయామం ఇంకాస్త ఎక్కువగా..

రోజులో ఎక్కువసేపు కూర్చుంటున్నారా? అయితే ఇంకాస్త ఎక్కువగా వ్యాయామం చేయండి. దీంతో మరణించే ముప్పు తగ్గించుకోవచ్చని తాజా అధ్యయనంలో వెల్లడైంది. చురుకుగా ఉండేవారితో పోలిస్తే రోజులో ఎక్కువసేపు కూర్చొని పనులు చేసేవారికి అన్ని కారణాలతో మరణించే ముప్పు 16%, గుండెజబ్బుతో మరణించే ముప్పు 34% ఎక్కువ. ఇలాంటివారు రోజుకు అదనంగా 15 నుంచి 30 నిమిషాల సేపు వ్యాయామం చేస్తే మరణం ముప్పు చురుకుగా ఉండేవారితో సమాన స్థాయికి చేరుకుంటున్నట్టు తేలింది. కాబట్టి కాళ్లకు కాస్త ఎక్కువ పని చెప్పటం మంచిది. మనసుంటే మార్గం దొరక్కపోదు. అరగంట నడిచేవారు మరో పావు గంట సేపు పొడిగించుకోవచ్చు. వారానికి రెండు సార్లు జిమ్‌కు వెళ్లేవారు మూడు సార్లు వెళ్లొచ్చు. ఆఫీసులోనూ అప్పుడప్పుడు కుర్చీలోంచి లేచి నాలుగడుగులు వేయొచ్చు. నిల్చొని పనిచేసే డెస్కులు వాడుకోవచ్చు. ఇలాంటి చిన్న మార్పులైనా పెద్ద ఫలితమే చూపిస్తాయి. రోజులో ఎక్కువసేపు కూర్చుంటున్నారా? అయితే ఇంకాస్త ఎక్కువగా వ్యాయామం చేయండి. దీంతో మరణించే ముప్పు తగ్గించుకోవచ్చని తాజా అధ్యయనంలో వెల్లడైంది. చురుకుగా ఉండేవారితో పోలిస్తే రోజులో ఎక్కువసేపు కూర్చొని పనులు చేసేవారికి అన్ని కారణాలతో మరణించే ముప్పు 16%, గుండెజబ్బుతో మరణించే ముప్పు 34% ఎక్కువ. ఇలాంటివారు రోజుకు అదనంగా 15 నుంచి 30 నిమిషాల సేపు వ్యాయామం చేస్తే మరణం ముప్పు చురుకుగా ఉండేవారితో సమాన స్థాయికి చేరుకుంటున్నట్టు తేలింది. కాబట్టి కాళ్లకు కాస్త ఎక్కువ పని చెప్పటం మంచిది. మనసుంటే మార్గం దొరక్కపోదు. అరగంట నడిచేవారు మరో పావు గంట సేపు పొడిగించుకోవచ్చు. వారానికి రెండు సార్లు జిమ్‌కు వెళ్లేవారు మూడు సార్లు వెళ్లొచ్చు. ఆఫీసులోనూ అప్పుడప్పుడు కుర్చీలోంచి లేచి నాలుగడుగులు వేయొచ్చు. నిల్చొని పనిచేసే డెస్కులు వాడుకోవచ్చు. ఇలాంటి చిన్న మార్పులైనా పెద్ద ఫలితమే చూపిస్తాయి.