ఈ నగరంలో ట్రాఫిక్‌ లైట్లే లేవ్‌!

మహా నగరం
థింపూ

నగరం: థింపూ
దేశం: భూటాన్‌
విస్తీర్ణం: 26 చదరపు కిలోమీటర్లు
జనాభా: లక్షకు పైమాటే
* థింపూ మన పక్క దేశం భూటాన్‌లోని అతి పెద్ద నగరం. దేశ రాజధాని కూడా. వాంగ్‌ చూ నది వల్ల ఏర్పడ్డ లోయలో భలే అందంగా ఉంటుందీ నగరం.
* భూటాన్‌లో రాచరికపాలన ఉంటుందని వినే ఉంటారుగా. ఆ రాజవంశీయులు ఉండేది థింపూలోనే. నేషనల్‌ అసెంబ్లీ వంటి రాజకీయ భవనాలూ ఉండేది ఇక్కడే. రాజకీయ, ఆర్థిక వ్యవహారాల కేంద్రం ఇదే.
* ఈ రాజధాని నగరంలో విమానాశ్రయం ఉండదు. ఇక్కడి నుంచి 54 కిలోమీటర్ల దూరంలో పారో ఎయిర్‌పోర్టు ఉంటుంది.
*  ప్రపంచంలోనే ఎత్తయిన నగరాల్లో ఇదీ ఒకటి. సముద్రమట్టం నుంచి 2,334 మీటర్ల ఎత్తులో ఉంటుందిది.
* ఇక్కడ ఇంటర్నెట్‌, టీవీలు వచ్చింది 2001 నుంచే.
* నేషనల్‌ టెక్స్‌టైల్‌ మ్యూజియం, వీకెండ్‌ మార్కెట్‌, క్రాఫ్ట్‌ బజార్‌ వంటివీ ఇక్కడి మంచి పర్యటక ప్రాంతాలు.
* వరి, మొక్కజొన్న, గోధుమ పంటలు ఎక్కువగా పండిస్తారిక్కడ.
* 1960కి ముందు థింపూ పల్లెటూళ్ల సమూహంగా ఉండేది. 1961లో ఇది భూటాన్‌ రాజధాని అయ్యింది. 1962 నుంచే ఈ నగరంలో వాహనాలు తిరగడం మొదలైంది. తర్వాత్తర్వాత అభివృద్ధి చెందింది.