నవ్వుల్‌.. నవ్వుల్‌..!

నమ్మాలి మరి..

రిమ్మి : నాన్నా నాన్నా.. నేను ఈ రోజు పరీక్ష చాలా బాగా రాశాను తెలుసా?
నాన్న : నేను అస్సలే నమ్మను రిమ్మీ..

రిమ్మి : నువ్వు నమ్మవని నాకు తెలుసు నాన్నా.. అందుకే, ఆన్సర్‌ షీట్‌ను తీసుకొచ్చా.. కావాలంటే చూడు..
నాన్న : ఆ..!

పాయింటే కదా..!

టీచర్‌ : హరీ.. ఇంట్లోకి దోమలు రావొద్దంటే ఏం చేయాలి?
హరి : ఇంటి గేటు బయట ‘టు-లెట్‌’ బోర్డు తగిలించాలి టీచర్‌..

టీచర్‌ : అదేంటి?
హరి : అప్పుడు.. ఇంట్లో ఎవరూ లేరనుకొని దోమలు లోపలికి రావు కదా టీచర్‌..

అలా అర్థమైందా?

గోపి : అదేంటి కిట్టూ.. మీ మావయ్య సమోసా బయటిదంతా వదిలేసి, లోపలి కూరనే తింటున్నారు?
కిట్టు : ఓ అదా.. మరేం లేదు గోపీ.. మొన్న డాక్టర్‌ దగ్గరికెళ్తే, బయటి పదార్థాలు తినొద్దని చెప్పారట..

గోపి : ఆ..!!