నవ్వుల్‌... నవ్వుల్‌..!

ఎంత చెప్పినా..!

టీచర్‌: వేమన శతకం రాసింది ఎవరు?

పింకీ: తెలీదు టీచర్‌..

టీచర్‌: సరే.. నీకు ఒక క్లూ ఇస్తాను.. నేనడిగిన ప్రశ్నలోనే సమాధానం ఉంది..

పింకీ: అయితే.. వేమన శతకం రాసింది శతకం అనే కవి టీచర్‌..

తు.చ. తప్పకుండా..

కిట్టు: చంటీ.. నృత్య ప్రదర్శన అక్కడ జరుగుతుంటే, ఇక్కడ నిల్చున్నావేంటి?

చంటి: మా టీచర్‌ చెప్పిన విషయాన్ని అనుసరిస్తున్నా కిట్టూ..!

కిట్టు: ఏంటది?

చంటి: దేన్నయినా దూరదృష్టితో చూడాలని చెప్పారు..!

నేను చూసిందప్పుడే మరి..

టీచర్‌: బంటీ.. నిన్న స్కూల్‌కి రాలేదేంటి?

బంటి: ‘టుడే హాలీడే’ అని మా ఫోన్‌కి మెసేజ్‌ వచ్చింది టీచర్‌..!

టీచర్‌: అదేంటి.. అది పంపించింది మొన్న కదా..

బంటి: ఏమో టీచర్‌.. ఆ మెసేజ్‌ను నేను నిన్ననే చూశాను..