కార్యాలయాల నిర్మాణాల్లో పోటాపోటీ..

ఈనాడు, హైదరాబాద్‌ : కొత్త కార్యాలయాల నిర్మాణాలు గతేడాది దేశంలోకెల్లా అత్యధికంగా 13.5 మిలియన్‌ చదరపు అడుగుల విస్తీర్ణంలో హైదరాబాద్‌లో పూర్తయ్యాయి. దేశవ్యాప్త నిర్మాణాల్లో చూస్తే హైదరాబాద్‌ వాటా 28 శాతంగా ఉంది. 2022లో 11.3 మి.చ.అ. విస్తీర్ణంలో పూర్తవగా... పెరుగుదల 19 శాతంగా నమోదైంది.  వెస్టియన్‌ రీసెర్చ్‌ ప్రకారం.. బెంగళూరు, హైదరాబాద్‌ రెండూ పోటీపోటీగా కార్యాలయాలను నిర్మించాయి. బెంగళూరులో సైతం 2023లో 13.4 మి.చ.అ. విస్తీర్ణంలో పూర్తి చేశారు. ఈ రెండు నగరాల వాటా దేశంలోనే 56 శాతంగా ఉండటం విశేషం.  చెన్నైలో 6.7 మి.చ.అ., పుణె, దిల్లీలో ఒక్కోచోట 5.3 మి.చ.అ. కార్యాలయాల భవనాలు నిర్మించారు.

అద్దెల పరంగా.. : కార్యాలయాల్లో గత సంవత్సరం చదరపు అడుగు సగటు అద్దె అత్యధికంగా ముంబయిలో రూ.124.50 ఉండగా.. బెంగళూరులో రూ.85 ఉంది. హైదరాబాద్‌లో రూ.66.60గా నమోదైంది. ముంబయితో పోలిస్తే 87 శాతం చౌక.