బలవర్ధక ఆహారం!

చిరుధాన్యాలైన రాగులు అందించే ఆరోగ్య ప్రయోజనాలు మెండుగా ఉంటాయి. అవేంటో చూద్దామా...

* రాగుల్లో క్యాల్షియం, ప్రొటీన్లు, మినరల్స్‌తోపాటు శరీరానికి కావాల్సిన పోషకాలన్నీ అధికంగా ఉంటాయి. వీటి నుంచి ఎస్సెన్షియల్‌ అమైనో ఆమ్లాలు లభ్యమవుతాయి.

* వీటిని మొలకెత్తించి తీసుకుంటే బోలెడు లాభాలు.

* రాగుల్లో పీచు అధికంగా ఉంటుంది. కాబట్టి వీటితో తయారుచేసిన పదార్థాలను తినడం వల్ల పొట్ట నిండిన భావన కలిగి చాలాసేపటి వరకు ఆకలి వేయదు.

* ఈ పిండితో చేసిన పదార్థాలను రోజువారీ ఆహారంలో తీసుకోవడం వల్ల ఊబకాయులు సులువుగా బరువు తగ్గొచ్చు. 

* వీటిలో ఇనుము ఎక్కువగా ఉంటుంది. దాంతో రక్తంలో హిమోగ్లోబిన్‌ శాతం పెరిగి రక్తహీనత సమస్య ఎదురు కాదు. 

* వీటిని ఆహారంగానే కాదు ఔషధంగా కూడా వాడతారు.

* ఇవి చాలా బలవర్ధకమైనవి. సంకటి, జావ, రొట్టె ... ఇలా రకరకాలుగా తీసుకోవచ్చు. వీటివల్ల శరీరానికి బలం చేకూరుతుంది.

* రాగుల వల్ల జుట్టు ఒత్తుగా పెరుగుతుంది.

* ఈ చిరుధాన్యాల నుంచి అయోడిన్‌ పుష్కలంగా లభిస్తుంది. ఈ పొడిని పాలలో కలిపి చిన్నారులకు తాగిస్తే వారి ఎదుగుదల బాగుంటుంది. 

* రాగి పిండితో చేసిన జావ దప్పికను అరికట్టడమే కాకుండా శరీరానికి ఎనలేని శక్తిని అందిస్తుంది. 

* వీటిలో క్యాల్షియం అధికంగా ఉంటుంది. కాబట్టి రాగి మాల్ట్‌ను తరచూ తీసుకోవడం వల్ల ఎముకల సమస్యలు రాకుండా దృఢంగా ఉంటాయి. 

* ఇవి చాలా నెమ్మదిగా జీర్ణమవుతాయి. రక్తంలో చక్కెరస్థాయులను నియంత్రిస్తాయి. కాబట్టి స్థూలకాయులు, మధుమేహులు వీటిని తమ ఆహారంలో చేర్చుకోవచ్చు. 

* అధిక రక్తపోటును నియంత్రిస్తాయి. 

* రాగుల్లోని క్యాల్షియం, ఐరన్‌, నియాసిన్‌, థయామిన్‌, రైబోఫ్లేవిన్‌ పోషకాలు కండరాలను పటిష్టంగా ఉంచుతాయి..

* శరీరంలోని మలినాలను బయటకు పంపుతాయి.

* వీటిని తరచూ తీసుకుంటూ ఉంటే మలబద్ధక సమస్య దరిచేరదు.