జ్ఞానబోధ మరీ శ్రేష్ఠం!

ఒకసారి ముహమ్మద్‌ ప్రవక్త (స) మస్జిదె నబవికి వెళ్లినప్పుడు, అక్కడ రెండు బృందాలు విడివిడిగా సమావేశం అయ్యాయి. అందులో ఒక బృందం దైవారాధన లో నిమగ్నమై ఉంది. రెండో సమూహం నిరక్షరాస్యులకు చదువు చెప్పే పనిలో ఉంది. అది చూసి ప్రవక్త మహనీయులు- ‘రెండు బృందాలూ మంచి పనే చేస్తున్నాయి. దైవాన్ని ఆరాధించడం మంచి సంగతి. అయితే దైవం అనుగ్రహిస్తే వారి విన్నపాలు స్వీకరించవచ్చు, లేకపోనూవచ్చు. రెండో బృందం జ్ఞానం లేనివారికి వివేకం, విచక్షణ నేర్పిస్తోంది. కనుక ఇదింకా మేలైన పని. నన్ను కూడా ఇక్కడికి బోధకుడిగానే పంపారు’ అంటూ రెండో బృంద సభ్యులతో కూర్చున్నారు. రాత్రివేళ ఒక గంట సమయం విజ్ఞాన చర్చల కోసం కేటాయించడం అనేది.. ఆ రాత్రంతా దైవారాధన చేయడంతో సమానం.  

ఖైరున్నీసాబేగం