ప్రతర్దనః

విష్ణుసహస్రనామావళిలో ఇది 59 వది. నిఘంటుపరంగా ఈ నామానికి దురాత్ముడని అర్థం. కానీ ఆ చెడు ఏ ఒక్క వ్యక్తి మీదనో, అంశంపైనో కాదు. ప్రళయకాలంలో సృష్టి సర్వస్వాన్నీ అంతర్థానం లేదా నాశనం చేసేవాడని భావం. తిరోధానంగా అప్పటికి తనలో లీనం చేసుకుని సమయం వచ్చినప్పుడు సృష్టించి విశ్వాన్ని తిరిగి నిలబెట్టేవాడు ఆ స్వామి. అంటే అప్పటికి నాశన మైందనుకున్నా అది స్వామి లోపల క్షేమంగా ఉంటుంది. ఇంతటి మహత్కార్యాన్ని చెయ్యగల సమర్థుడు ఆ శ్రీమహావిష్ణువు. చిరంజీవి అయిన మార్కండేయ మహర్షి తిరోధానం చెంది, ఆయన లోపల పదిలంగా ఉన్న సృష్టి సర్వస్వాన్నీ దర్శించాడని పురాణ కథలు ఉన్నాయి. ప్రళయకాలంలో సృష్టిని నశింపచేస్తాడనేది ఈ ప్రస్తావన. అంతేకానీ దురాత్ముడనే నిందార్థంలో కాదు.

వై.తన్వి