ఆ వేగానికి.. పేదరికం క్లీన్‌బౌల్డ్‌
ఉమ్రాన్‌ మాలిక్‌.. టీ20 మెగా టోర్నీ తాజా సంచలనం. 150కి.మీ.లకు పైగా వేగంతో బంతులు విసురుతూ ప్రత్యర్థులను వణికిస్తున్న ఆటగాడు. భారత ప్రధాన బౌలర్‌ అయ్యే సత్తా ఉందంటూ దిగ్గజాల మెప్పు పొందుతున్న బౌలర్‌. ఈ స్థాయికి చేరడం వెనక కఠోర తపస్సు ఉంది.
పండ్ల వ్యాపారి కొడుకు
జమ్మూలోని గుజ్జర్‌నగర్‌ శివాలయాలకు ప్రసిద్ధి. అక్కడే ఓ గుడి దగ్గర పండ్లు, కూరగాయలు అమ్ముతుంటాడు అబ్దుల్‌ మాలిక్‌. ఏ రోజు సంపాదన ఆరోజుకే సరిపోతుంది. అతడి కొడుకే ఉమ్రాన్‌ మాలిక్‌. ఇద్దరమ్మాయిల తర్వాత పుట్టడంతో బాగా గారాబం చేసేవాళ్లు. దాంతో చిన్నప్పుడు బడి ఎగ్గొట్టి తిరిగేవాడు. చదువుకొమ్మని అంతా ఆ కుర్రాడ్ని తిట్టేవారు. ఇప్పుడు మాత్రం హీరోలా చూస్తున్నారు. స్థానికులంతా మావాడు అని గర్వంగా చెప్పుకుంటున్నారు. ‘ప్రౌడ్‌ ఆఫ్‌ ఉమ్రాన్‌ మాలిక్‌’ అని వీధుల్లో బ్యానర్లు కట్టారు. ఎందుకంటే తనిప్పుడు దేశంలోనే అత్యంత వేగంగా బంతులు విసిరే బౌలర్‌ మరి.
పది వదిలేసి..
ఉమ్రాన్‌ ఐదేళ్లకే సరదాగా బంతి, బ్యాటు పట్టుకున్నాడు. చదువుపై ధ్యాస తక్కువ. ఎప్పడు చూసినా క్రికెట్టే. ఈ మోజులో పడి పదోతరగతి మధ్యలోనే వదిలేశాడు. కన్నవాళ్లు పోరు పెట్టినా పట్టించుకోలేదు. చివరికి వాళ్లే వెనక్కి తగ్గి తనని ఆటకే వదిలేశారు. అప్పట్నుంచి టెన్నిస్‌ బంతితో నిరంతరం సాధన చేసేవాడు. జమ్మూ నగరంలో చెప్పుకోదగ్గ మైదానాల్లేవు. అయినా తారు, సిమెంట్‌ రోడ్లపైనే సాధన చేసేవాడు. మొత్తానికి 17ఏళ్ల వయసున్నప్పుడు జమ్మూకశ్మీర్‌ స్పోర్ట్స్‌ కౌన్సిల్‌లో చేరాడు. వినూ మన్కడ్‌ ట్రోఫీ, కూచ్‌బెహార్‌ ట్రోఫీల్లో సత్తా చూపించాడు.
కటిక పేదరికం
ఉమ్రాన్‌లోని ప్రతిభ, బౌలింగ్‌ వేగాన్ని గుర్తించింది కోచ్‌ రణ్‌ధీర్‌ మన్హాస్‌నే. తనని రోజూ మైదానానికి తీసుకెళ్లి సాధన చేయించేవాడు. అతడి బంతుల్లోని వేగానికి ఆశ్చర్యపోయి ‘నువ్వు ఎప్పటికైనా భారత జట్టుకి ఆడతావు’ అనేవాడు. ఆ మాటలతో తనకో లక్ష్యం ఏర్పడింది. అప్పట్నుంచి అలుపన్నదే లేదు. ఒక్కోసారి రోజుకి ఐదారు మ్యాచ్‌లు ఆడేవాడు. ఏ అర్ధరాత్రికో ఇంటికి చేరేవాడు. 2019లో కూచ్‌బెహార్‌ ట్రోఫీకి ఎంపికయ్యాడు. అప్పుడు తనకి కనీసం బూట్లు కూడా లేవు. స్నేహితుడివి తొడుక్కొని వెళ్లి అదరగొట్టాడు. తర్వాత చెన్నైలోని ‘ఎంఆర్‌ఎఫ్‌ పేస్‌ ఫౌండేషన్‌’లో చేరాక మరింత రాటుదేలాడు. వేగంతోపాటు ఉమ్రాన్‌ లైన్‌ అండ్‌ లెంగ్త్‌ గాడిలో పడేలా చేశాడు భారత జట్టు మాజీ బౌలర్‌ ఇర్ఫాన్‌ పఠాన్‌.
⚾ జస్‌ప్రీత్‌ బుమ్రాని ఆరాధిస్తాడు.
⚾ ఆట కోసం ఇష్టమైన స్వీట్లు, జంక్‌ఫుడ్‌ వదిలేశాడు.
⚾ హైదరాబాద్‌ జట్టు తనని రూ.4కోట్ల మొత్తానికి కొనుక్కుంది.
⚾ తన ఇన్‌స్టాగ్రామ్‌ ‘బయో’లో ‘త్వరలో ఇండియాకి ఆడబోతున్నాను’ అని ఉంటుంది.
Advertisement
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
General NewsChandrababu: హర్‌ ఘర్‌ తిరంగా.. ఓ పవిత్రమైన కార్యక్రమం: చంద్రబాబు
-
Movies News
F3: ‘ఎఫ్‌-3’.. వెంకీ ఎలా ఒప్పుకొన్నాడో ఏంటో: పరుచూరి గోపాలకృష్ణ
-
World News
Salman Rushdie: కన్ను కోల్పోవచ్చు.. చేతుల్లో నరాలు తెగిపోయాయి..!
-
Sports News
IND vs PAK: భారత్‌ vs పాక్‌ మ్యాచ్‌పై రికీ పాంటింగ్‌ జోస్యం
-
Politics News
Revanth Reddy: కోమటిరెడ్డి వెంకటరెడ్డికి క్షమాపణలు చెప్పిన రేవంత్‌రెడ్డి
-
India News
India Corona : 16 వేల దిగువకు కొత్త కేసులు..
ఎక్కువ మంది చదివినవి (Most Read)
- Rishi Sunak: ఆయన నా ఫోన్ కాల్స్కు స్పందించడం లేదు: రిషి సునాక్
- Offbeat: ఆ విమానంలో జర్నీ కేవలం ఒక్క నిమిషమే.. ధరెంతో తెలుసా..?
- Himanta Biswa Sarma: ఆమిర్ ఖాన్.. మీరు మా రాష్ట్రానికి ఆగస్టు 15 తర్వాతే రండి..!
- Best catches: విండీస్ ఆటగాళ్ల మెరుపు ఫీల్డింగ్.. ఒకే మ్యాచ్లో మూడు సంచలన క్యాచ్లు!
- Ranveer singh: న్యూడ్ ఫొటోషూట్.. రణ్వీర్సింగ్ ఇంటికి పోలీసులు!
- Horoscope Today: ఈ రోజు రాశి ఫలం ఎలా ఉందంటే? (13/08/2022)
- SCR: చుట్టూ చూడొచ్చు.. చుక్కలూ లెక్కెట్టొచ్చు.. ద.మ.రైల్వేలో తొలి రైలు
- Crime News: సినిమా చూసి.. మూఢవిశ్వాసంతో బలవన్మరణం
- Hyderabad: మహిళ చెర నుంచి నా కుమారుడిని కాపాడండి.. హెచ్ఆర్సీని ఆశ్రయించిన తండ్రి
- Aadhi Pinisetty: ఆది పినిశెట్టి, నిక్కీ గల్రానీల పెళ్లి సందడి.. టీజర్ చూశారా!
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
