e-cycle: నెక్స్‌జూ మొబిలిటీ నుంచి రూ.54 వేల ఈ-సైకిల్‌

ముంబయి: పుణె కేంద్రంగా పనిచేస్తున్న విద్యుత్ వాహన (EV) తయారీ సంస్థ నెక్స్‌జూ మొబిలిటీ (Nexzu Mobility) తమ ఈ-సైకిల్‌ పోర్ట్‌ఫోలియోను మరింత విస్తరించింది. బజింగ పేరిట మరో కొత్త సైకిల్‌ను ఆవిష్కరించింది. ఇందులో కార్గో, కమ్యూటర్‌ రెండు వేరియంట్లు ఉన్నాయి. కార్గో ధర రూ.54,525 కాగా.. కమ్యూటర్‌ ధర రూ.49,445. వచ్చే నెల ఇవి మార్కెట్‌లోకి రానున్నాయి. కంపెనీ ఈ-కామర్స్‌ వెబ్‌సైట్‌, సామాజిక మాధ్యమాల్లో కావాల్సిన వారు ఇప్పుడే బుక్‌ చేసుకోవచ్చు. ఒకసారి దీని లిథియం-ఐయాన్‌ బ్యాటరీ పూర్తిగా ఛార్జ్‌ చేస్తే 100 కి.మీ వరకు ప్రయాణించొచ్చు. కార్గో సైకిల్‌పై 15 కిలోల వరకు బరువును మోసుకెళ్లొచ్చని కంపెనీ తెలిపింది.