Zero Balance Account: ఈ బ్యాంకుల్లో జీరో బ్యాలెన్స్తో పొదుపు ఖాతా!
బ్యాంకులో పొదుపు ఖాతా తెరవాలనుకుంటున్నారా?..కనీస బ్యాలెన్స్ అవసరం లేకుండానే అంటే జిరో బ్యాలెన్స్తో పొదుపు ఖాతను తెరవచ్చు.
ఇంటర్నెట్ డెస్క్: ప్రస్తుతం ప్రభుత్వాలు అందించే సంక్షేమ పథకాల దగ్గర్నుంచి చాలా వరకు ఆర్థిక లావాదేవీలు బ్యాంకుల ద్వారానే జరుగుతున్నాయి. అందువల్ల ప్రతీఒక్కరికి బ్యాంకు ఖాతా ఉండాల్సిందే. కానీ బ్యాంకు పొదుపు ఖాతా తెరవాలంటే కనీస బ్యాలెన్స్ ఉండాలి. ఖాతా ఉన్నన్ని రోజులు కనీస బ్యాలెన్స్ నిర్వహించాలి. లేదంటే ఛార్జీలు చెల్లించాల్సి వస్తుంది. దేశంలోని ప్రధాన బ్యాంకులలో ఖాతా తెరవాలంటే కనీసం రూ. 1000 ఉండాలి. కొన్ని బ్యాంకులలో మినిమమ్ బ్యాలెన్స్ నెలకు రూ.5వేల నుంచి రూ.10వేల వరకు కూడా ఉంటుంది. కుటుంబ అవసరాలకు సరిపోయే మొత్తాన్ని సంపాదించుకునే వారికి కనీస బ్యాలెన్స్ నిర్వహణ భారం అవుతుంది.
ఇటువంటి వారి కోసం కొన్ని బ్యాంకులు కనీస బ్యాలెన్స్ అవసరం లేకుండా పొదుపు ఖాతాను తెరిచేందుకు అనుమతిస్తున్నాయి. వీటినే ‘జీరో బ్యాలెన్స్ పొదుపు ఖాతా’ అని పిలుస్తారు. ప్రధానంగా ఆర్థికంగా వెనకబడిన వారిని ప్రోత్సహించడానికి బ్యాంకులు ఈ ఖాతాలను అందిస్తున్నాయి.
ఐడీఎఫ్సీ ఫస్ట్ బ్యాంక్..
ప్రథమ్ సేవింగ్స్ అకౌంట్ పేరుతో జిరో బ్యాలెన్స్ పొదుపు ఖాతాను అందిస్తుంది ఐడీఎఫ్సీ ఫస్ట్ బ్యాంక్. వడ్డీ రేటు 4 శాతం. రోజుకు రూ.40వేల వరకు విత్డ్రా చేసుకోవచ్చు. ఈ ఖాతాతో రూ.2 లక్షల కాంప్లిమెంటరీ వ్యక్తిగత ప్రమాద బీమా కూడా లభిస్తుంది. అయితే ఈ బ్యాంకులో జీరో బ్యాలెన్స్ ఖాతా తెరవాలంటే మరే ఇతర బ్యాంకులో పొదుపు ఖాతా ఉండకూడదు.
స్టేట్ బ్యాంక్ ఆఫ్ ఇండియా..
ఎస్బీఐ అందించే జీరో బ్యాలెన్స్ పొదుపు ఖాతా పేరు.. బేసిక్ సేవింగ్స్ బ్యాంక్ డిపాజిట్ ఖాతా(బీఎస్బీడీఏ). సాధారణ బ్యాంకు పొదుపు ఖాతాల మాదిరిగానే జీరో బ్యాలెన్స్ ఖాతాలపై ఎస్బీఐ వడ్డీ అందిస్తుంది. ప్రస్తుత వడ్డీ రేటు 2.70 శాతం. కేవైసీ పత్రాలు ఇచ్చి ఈ ఖాతాను తెరవచ్చు. ఎటువంటి రుసుము లేకుండా బేసిక్ రూపే ఏటీఎం-కమ్-డెబిట్ కార్డును అందిస్తుంది.
యస్ బ్యాంక్..
ఈ బ్యాంక్ అందించే జీరో బ్యాలెన్స్ పొదుపు ఖాతా పేరు.. స్మార్ట్ శాలరీ అడ్వాంటేజ్ అకౌంట్. వడ్డీ రేటు 4 శాతం. జీతం ద్వారా ఆదాయం పొందుతున్న ఉద్యోగులు మాత్రమే ఈ ఖాతాను తెరిచేందుకు వీలుంటుంది. రూ.75 వేల విత్డ్రా పరిమితితో ‘ఎంగేజ్’ డెబిట్ కార్డ్ ఇస్తారు. ఇది వ్యక్తిగత ప్రమాద బీమాతో వస్తుంది.
హెచ్డీఎఫ్సీ బ్యాంక్..
బేసిక్ సేవింగ్స్ బ్యాంక్ డిపాజిట్ ఖాతా(బీఎస్బీడీఏ) పేరుతో జీరో బ్యాలెన్స్ పొదుపు ఖాతాను అందిస్తుంది హెచ్డీఎఫ్సీ బ్యాంక్. వడ్డీ రేటు 3 శాతం. హెచ్డీఎఫ్సీ బ్యాంక్తో శాలరీ అగ్రిమెంట్ ఉన్న సంస్థ ఉద్యోగులు మాత్రమే ఈ ఖాతాను తెరిచేందుకు వీలుంటుంది. వేరొక బ్యాంకులో పొదుపు ఖాతా గానీ, శాలరీ ఖాతా గానీ ఉన్న వ్యక్తులు ఈ ఖాతాను తెరవలేరు.
కొటాక్ మహీంద్రా బ్యాంక్..
ఈ బ్యాంక్ అందిస్తున్న జీరో బ్యాలెన్స్ పొదుపు ఖాతా పేరు - 811 డిజిట్ బ్యాంక్ అకౌంట్. వడ్డీ రేటు 3.50 శాతం. ఈ ఖాతాను బ్యాంకుకు రాకుండానే.. వీడియో కేవైసీ ద్వారా తెరవచ్చు. డబ్బును నెఫ్ట్ లేదా ఐఎమ్పీఎస్ ద్వారా ఆన్లైన్లో బదిలీ చేయవచ్చు.
స్టాండర్డ్ ఛార్టర్డ్ బ్యాంక్..
ఈ బ్యాంక్ అందిస్తున్న జీరో బ్యాలెన్స్ పొదుపు ఖాతా పేరు - ఆసాన్/బీఎస్బీడీఏ. వడ్డీ రేటు 2.75 శాతం. ఖాతాలో రోజువారీగా ఉన్న బ్యాలెన్స్ ఆధారంగా వడ్డీ లెక్కిస్తారు. త్రైమాసికంగా చెల్లిస్తారు. ఆధార్ బేస్డ్ ఈ-కేవైసీతో ఇన్స్టెంట్గా ఖాతాను తెరవచ్చు. నెఫ్ట్/ఆర్టీజీఎస్ లావాదేవీలను ఉచితంగా అందిస్తుంది.
ఇండస్ఇండ్ బ్యాంక్..
ఈ బ్యాంక్ అందిస్తున్న జీరో బ్యాలెన్స్ పొదుపు ఖాతా పేరు - ఇండస్ ఆన్లైన్ సేవింగ్స్ అకౌంట్. వడ్డీ రేటు 4 శాతం. ఈ ఖాతాను తెరిచేందుకు.. మనుగడలో ఉన్న మొబైల్ నెంబరు ఉండాలి. ఇది ఆధార్కి అనుసంధానమై ఉండాలి. అలాగే పాన్ నెంబరు ఉండాలి. ఈ ఖాతాతో రూ.2 లక్షల వ్యక్తిగత ప్రమాద బీమా లభిస్తుంది. అలాగే ప్లాటినమ్ ప్లస్ డెబిట్ కార్డు లభిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్