రోగ నిర్ధారణ పరీక్షలకు డ్రోన్‌ సహకారం

మారుమూల ప్రాంతాలు, చిన్న పట్టణాల్లో రోగ నిర్ధారణ కోసం వ్యాధిగ్రస్తుల వద్ద రక్తనమూనాల వంటివి సేకరించినా, వాటిని నగరాల్లోని పెద్ద డయాగ్నోస్టిక్‌ కేంద్రాలకు పంపి, ఫలితాలు తెలుసుకునేందుకు ఆలస్యమవుతోంది. ఈ ఆలస్యాన్ని తగ్గించేలా ‘సేకరించిన నమూనాల’ను డ్రోన్ల ద్వారా రవాణా చేసేందుకు డ్రోన్‌ డెలివరీ లాజిస్టిక్స్‌ స్కై ఎయిర్‌ మొబిలిటీ, రెడ్‌క్లిఫ్‌ ల్యాబ్స్‌ మధ్య దీర్ఘకాల ఒప్పందం కుదిరింది.  నోయిడాలోని రెడ్‌క్లిఫ్‌ ల్యాబ్‌ నేషనల్‌ రిఫరెన్స్‌ ల్యాబ్‌ నుంచి 30-40 ప్రయోగాత్మక పరీక్షలు జరిపాక, వాణిజ్య సేవలు ప్రారంభించనున్నట్లు స్కైఎయిర్‌ మొబిలిటీ సహవ్యవస్థాపకుడు స్వప్నిక్‌ జక్కంపూడి తెలిపారు. ఇందువల్ల సురక్షితంగా, వేగంగా, తక్కువ ధరలో రోగ నిర్ధారణ పరీక్షలు జరిపేందుకు వీలవుతుందన్నారు.