‘లెమ్మీ బీ’ కి రూ.13.5 కోట్ల నిధులు

ఈనాడు, హైదరాబాద్‌: హైదరాబాద్‌కు చెందిన అంకుర సంస్థ- ‘లెమ్మీ బీ’కి రూ.13.5 కోట్ల నిధులు లభించాయి. ఇందులో రూ.11.5 కోట్లు ఈక్విటీ మూలధనం కాగా, రూ.2 కోట్లు అప్పుగా సమకూరింది. పెట్టుబడి సంస్థలైన మల్టిప్లై వెంచర్స్‌, వామి కేపిటల్‌, సత్వ ఫ్యామిలీ ఆఫీస్‌, అనికట్‌ కేపిటల్‌ ఏఐఎఫ్‌, గ్రిప్‌ ఇన్వెస్ట్‌మెంట్‌లు ఈక్విటీ మూలధనాన్ని అందించాయి. వ్యాపార కార్యకలాపాల విస్తరణకు ఈ నిధులు వెచ్చించనున్నట్లు ‘లెమ్మీ బీ’ వెల్లడించింది. అంతేగాక దుబాయ్‌, యూఎస్‌, ఆస్ట్రేలియా దేశాలకు విస్తరించనున్నట్లు, కొత్త ఉత్పత్తులను ఆవిష్కరించేందుకు పరిశోధన-అభివృద్ధి కార్యక్రమాలను పెద్దఎత్తున చేపట్టనున్నట్లు పేర్కొంది.