Updated : 30 Apr 2022 15:06 IST

SSY: బాలికల ఆర్థిక భవిష్యత్‌కు సుకన్య సమృద్ధి యోజన.. పూర్తి వివరాలివే..

ఇంటర్నెట్‌ డెస్క్‌: సుక‌న్య స‌మృద్ధి యోజ‌న (SSY) బాలిక‌ల‌కు ప్రత్యేకమైన‌ పెట్టుబ‌డి ప‌థ‌కం. ఈ ప‌థ‌కానికి వ‌డ్డీ రేటు ప్ర‌భుత్వం నిర్ణయిస్తుంది. ప్ర‌భుత్వ మ‌ద్ద‌తుతో కూడిన ఈ ప‌థ‌కం చాలా మంచి పొదుపు ప‌థ‌క‌మనే చెప్పాలి. బాలిక‌లు పెద్ద‌యిన త‌ర్వాత ఈ ప‌థ‌కంలో పొదుపు చేసిన సొమ్ములు పెళ్లికి మాత్ర‌మే ఉప‌యోగ‌ప‌డుతుంద‌ని అనుకుంటారు. కానీ, ఉన్నత విద్య‌కు కూడా ఈ మొత్తాన్ని ఉప‌యోగించొచ్చు. 10 ఏళ్ల‌లోపు బాలిక‌ల కోసం ప్ర‌భుత్వం 2014లో ఈ ప‌థ‌కాన్ని తీసుకొచ్చింది. ఈ ప‌థ‌కంలో పెట్టుబ‌డి పెట్ట‌డానికి ఒక సంవ‌త్స‌రంలో క‌నీస మొత్తం రూ.250, గ‌రిష్ఠంగా రూ.1.50 ల‌క్ష‌ల వ‌ర‌కు పెట్టుబ‌డి పెట్ట‌వ‌చ్చు.

ఉదాహరణ: మీ కుమార్తెకు 3 సంవ‌త్స‌రాల వ‌య‌స్సు ఉన్న‌పుడు సుక‌న్య స‌మృద్ది యోజ‌న ప‌థ‌కంలో పొదుపు ఆరంభించి 15 సంవ‌త్స‌రాల‌కు సంవ‌త్స‌రానికి రూ.1.50 ల‌క్ష‌లు పెట్టుబ‌డి పెడితే 7.60% వ‌డ్డీ రేటుతో దాదాపు రూ.44 ల‌క్ష‌ల వ‌ర‌కు నిధి జ‌మ‌వుతుంది. కుమార్తె ఉన్న‌త విద్య‌కు, వివాహ అవ‌స‌రాల‌కు ఈ నిధి ఎంత‌గానో ఉప‌యోగ‌ప‌డుతుంది. విదేశ క‌ళాశాల‌లు కాకున్నా భార‌తీయ క‌ళాశాల‌ల‌ను ల‌క్ష్యంగా చేసుకున్నట్టయితే ఈ నిధి స‌రిపోతుంది.

సుక‌న్య స‌మృద్ధి యోజ‌న: బాలిక‌కు 10 సంవ‌త్స‌రాల వ‌య‌స్సు వ‌చ్చే వ‌ర‌కు వారి త‌ల్లిదండ్రులు లేదా చ‌ట్ట‌ప‌ర‌మైన సంర‌క్ష‌కులు సుక‌న్య స‌మృద్ధి యోజ‌న ఖాతాను తెర‌వొచ్చు. ఒక కుటుంబంలో ఇద్ద‌రు బాలిక‌ల వ‌ర‌కు ఖాతాలు ప్రారంభించొచ్చు.

లాభాలు: పోస్టాఫీసులో ఏ ఇత‌ర పధకం క‌న్నా కూడా సుక‌న్య స‌మృద్ధి యోజ‌న పథకంలోనే లోనే వ‌డ్డీ రేటు ఎక్కువ‌. ప్రస్తుతం 7.60% వ‌డ్డీ రేటుని ఈ ప‌థ‌కం ఖాతాదారుల‌కు అందిస్తోంది.

సుక‌న్య స‌మృద్ధి యోజ‌న ప‌థ‌కం మెచ్యూరిటీ వ్య‌వ‌ధి 21 సంవ‌త్స‌రాలు. పెట్టుబ‌డులు 15 సంవ‌త్స‌రాల పాటు చేయాలి. అమ్మాయికి 18 ఏళ్లు నిండిన‌పుడు, ఖాతా మొత్తంలో 50% పాక్షిక ఉప‌సంహ‌ర‌ణ‌కు అనుమ‌తిస్తారు. దీన్ని విద్యా ప్ర‌యోజ‌నాల కోసం ఉప‌యోగించ‌వ‌చ్చు. మెచ్యూరిటీ వ్య‌వ‌ధి 21 సంవ‌త్స‌రాలు అయిన‌ప్ప‌టికీ, 18 ఏళ్లు నిండిన త‌ర్వాత అమ్మాయి వివాహం చేసుకుంటే.. ఖాతా ముందుగానే మూసివేయొచ్చు. మొత్తం నిధిని ఉప‌సంహ‌రించుకోవ‌చ్చు. ఈ ఖాతాలో పెట్టుబ‌డుల‌కు 80సీ ప‌న్ను ప్ర‌యోజ‌నాలున్నాయి. వ‌డ్డీ, మెచ్యూరిటీ మొత్తం పూర్తిగా ప‌న్ను ర‌హితం.

ఇంజ‌నీరింగ్‌, మేనేజ్‌మెంట్ కోర్సులు, ఇత‌ర ప్రొఫెష‌న‌ల్ కోర్సులు చ‌ద‌వ‌డానికి బాలిక‌లు ఇష్ట‌ప‌డతారు. వారి చ‌దువుకు ఆర్థికంగా ఏ లోటూ రాకుండా ఉండాలంటే వాళ్ల పేరు మీద పోస్టాఫీసులో లేదా బ్యాంకులో సుక‌న్య స‌మృద్ధి యోజ‌న ఖాతా ప్రారంభిస్తే మంచిది. ప్రస్తుతం కొన్ని విద్యా కోర్సుల‌కు 5 ల‌క్ష‌లు ఖ‌ర్చ‌యితే 15 ఏళ్ల త‌ర్వాత రూ.20-25 ల‌క్ష‌లు ఖ‌ర్చు అవ్వొచ్చు. ఆ స‌మ‌యంలో అమ్మాయి చ‌దువుకి ఈ ఖాతాలో సొమ్ము ఉప‌యోగ‌ప‌డ‌వ‌చ్చు. త‌ల్లిదండ్రుల‌కు ఆర్థిక భరోసా ఉంటుంది.

భ‌విష్య‌త్ అవ‌స‌రాల‌ను లెక్క‌లోకి వేసుకుని వారి ద‌గ్గ‌రున్న పొదుపు చేసే సొమ్మును ముందు ప్ర‌భుత్వ హామీతో కాస్త అధిక వ‌డ్డీ వ‌చ్చే మంచి ప‌థ‌కం అయిన సుక‌న్య స‌మృద్ధితో పొదుపు మొద‌లుపెట్టాలి. ఆ త‌ర్వాత మీ ఆర్థిక వ‌న‌రుల‌ను బ‌ట్టి ఇతర పథకాల్లో కూడా పెట్టుబ‌డులు పెట్టొచ్చు.

Read latest Business News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని