5 నుంచి జిల్లా స్థాయి కళాఉత్సవ్‌

పెడన గ్రామీణం, న్యూస్‌టుడే: ఈ నెల 5, 6 తేదీల్లో జిల్లా స్థాయి కళా ఉత్సవ్‌ పోటీలు అంగలూరు డైట్‌ కళాశాలలో జరుగుతాయని ప్రిన్సిపల్‌ కె.లక్ష్మీనారాయణ తెలిపారు. ప్రభుత్వ, ఎయిడెడ్‌, ప్రైవేట్‌, స్థానిక సంస్థల, కేంద్రీయ, నవోదయ విద్యాలయాల్లో 9, 10, 11, 12 తరగతులు చదువుతున్న విద్యార్థులు పోటీల్లో పాల్గొనడానికి అర్హులని పేర్కొన్నారు. 5న శాస్త్రీయ, జానపద, గాత్ర సంగీత, వాయిద్య సంగీత, ఏకపాత్రాభినయ, ద్విమితీయ, త్రిమితీయ దృశ్య సంబంధిత కళావస్తువుల పోటీలు నిర్వహిస్తామని పేర్కొన్నారు. 6న, శాస్త్రీయ, జానపద నృత్య పోటీలు జరుగతాయని తెలిపారు. మండల, డివిజన్‌ నుంచి ప్రధానోపాధ్యాయిని అనుమతి పత్రంతో హాజరు కావాలని తెలిపారు. ఆసక్తి గలవారు 8328 214217, 9392 319791 నంబర్లలో సంప్రదించాలని సూచించారు.